Ўз боласини ўлдирмоқчи бўлган россиялик аёл қамалган
Подмосковьеда ака ва сингил Осиналар гўдак болани ўлдиришда қасд қилганликда айбдор топилиб, узоқ йиллик қамоқ жазоларига ҳукм қилинган.
Ўз боласидан қутилмоқчи бўлган Елена Осина акаси билан бирга Дмитровский шоссесининг қатнов қисмига йўргакка ўралган чақалоқни қўйиб кетади.
Болани машина босиб кетишини умид қилган ака-укаларнинг мақсадлари хайриятки амалга ошмаган.
Бахтли тасодиф туфайли машина бошқариб кетаётган аёл йўл устида йўргакка ўралган болани кўриб қолган.
Ўз вақтида машинани тўхтатган ҳайдовчи аёл зудлик билан полицияга хабар берган.
Орадан бир неча соат ўтиб, боланинг онаси ва унинг акаси қўлга олинган.
Тергов жараёнида 24 ёшли Елена Осина ва акаси Александр қотилликка уринганларини тан олишган.
Елена Осина жиноят кодексининг "шахслар гуруҳи орқали тил бириктириб гўдак болани ўлдиришга қасд қилганлик" банди бўйича айбдор деб топилиб, саккиз йилга озодликдан маҳрум қилинди, у жазони умумий тартибдаги қамоқхонада ўтайди.
Акаси Александр Осин 9 йиллик қамоқ муддатини қаттиқ тартибдаги колонияда ўтказишга ҳукм қилинган.
Бир ўлимдан тирик қолган бола бошқа оила тарбиясига топширилган.
