Янгиликлар. Украина: Ҳаммаси тескарисига кетди, Путин энди нима қилади? Видео Rossiya Ukraina NATO Yangiliklar
Сурат манбаси, Reuters
Олинаётган хабарлар муҳим...
Путин йирик стратегик муваффақиятсизликка учрадими?
Алоқадор мавзулар:
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Бугун, 4 апрель куни Финландия НАТОга киради.
Дунёдаги энг йирик ҳарбий иттифоқнинг 31-аъзосига айланади.
Бу НАТО тарихидаги энг муҳим онлардан бири.
"Биз жорий ҳафтада НАТО қароргоҳида илк бор Финландия байроғини кўтарамиз. Бу Финландия, Шимолий Европа ва бутун НАТОнинг хавфсизлиги учун яхши кунга айланади. Финландия ҳам хавфсиз бўлади", - дея баён қилди НАТО Бош котиби Йенс Столтенберг.
Сурат манбаси, .
Финландия ва Швециянинг бетарафлик мавқеидан воз кечиб, НАТОга кириш қарорига Россиянинг Украинага босқини сабаб бўлган.
Финландия Россияга бевосита чегарадош. Икки давлат ўртасидаги чегара узун - бир минг уч юз қирқ километрни ташкил этади.
Коллектив мудофаа эса, НАТОнинг энг асос тамойилларидан бири бўлади.
Би-би-сининг Дипломатик масалалар бўйича мухбири Пол Адамснинг айтишича, Финландиянинг аъзолиги НАТОга бежизга кетмайди.
"Финландия НАТОга яхши уюшган, зўр қуролланган, кичик, аммо заҳираси катта бўлган ҳарбийлари билан киради. Финландия Ғарбда ишлаб чиқарилган замонавий қурол-аслаҳаларга эга. Ихтиёрида ўнлаб Американинг бешинчи авлод қирувчи самолётлари бор. Яна бунинг жўғрофий омили ҳам бор. Финландиянинг НАТОга кириши билан иттифоқнинг Россия билан чегараси икки баробардан кўпроққа узаяди", - дейди у.
Путин панд едими?
Сурат манбаси, Getty Images
Финландиянинг НАТОга кириши Россия президенти учун йирик муваффақиятсизлик сифатида талқин этилмоқда.
Путин НАТОнинг шарққа кенгайишининг олдини олиш, ўз чегараларидан узоқлаштириш ва Ғарб коллективизмини заифлаштириш мақсадида Украинага қўшин киритган.
Энди эса, бунинг тескарисига эришган.
Финландия ва Швециянинг НАТОга кириш қарорига шахсан Путиннинг ўзи муносабат билдирган. Жавоблари таҳдидга яраша бўлиши билан огоҳлантирганди.
"Улар бир нарсани яққол тасаввур қилишлари керак. Аввал улар учун таҳдид йўқ эди. Энди у ерда ҳарбий контингент ва инфратузилма жойлаштириладиган бўлса, биз ҳам бунга яраша жавоб беришимиз керак бўлади", - дея баён қилганди Россия президенти.
Россия дунёнинг саноқли ядровий қудратларидан бири бўлади.
Ўзининг ҳимояси учун ҳар қандай қуролдан фойдаланиши мумкинлигини ўтган бир йилнинг ўзида бир эмас, бир неча бор баён қилишга ҳам улгурган.
НАТОга аъзолик...
Сурат манбаси, EPA
Финландиянинг НАТОга кириши Туркия сабаб кечиккан.
Швецияники эса, ҳануз номаълумлигича қолаётир.
Ҳар икки давлат ҳам бир вақтнинг ўзида, ўтган йилнинг майида НАТОга кириш учун ариза беришган.
Туркия эса, ҳар икки давлатни "террорчи"ларни дастаклашда айблаган.
Финландиянинг аризасини ҳам парламенти фақат куни-кеча маъқуллаганди.
НАТОга кириш учун эса, барча аъзо давлатларнинг бирдек розилиги лозим бўлади.
Россиянинг Украинага босқини Финландия жамоатчилигининг фикрини ҳам тубдан ўзгартирган.
Мамлакатларининг НАТОга киришини қўлловчиларнинг сони ўша пайтда бир туннинг ўзида ўттиз фоиздан қарийб саксон фоизга сакраб кетганди.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
