Украина уруши: Ғарб қуроллари Россия ҳужумларини камайтирди - Видео Ukraina Dunyo Yangiliklar
Украина анча вақт сўраган Ғарб қурол-яроғини қўлга киритгани Россияга қарши уруш характери ва суръатини ўзгартиришни бошлади.
Россия Украина босқинини бошлаганидан буён аввал артиллерия ҳужумлари билан ҳамма жойни кунпаякун қилиш, сўнг пиёда аскарларини ташлаб Украина ҳудудларини босиб олиш йўлини танлаган.
Ана шу йўл билан Украина шарқидаги Донбасс минтақасининг анча қисмини Россия ўз назоратига олишнинг уддасидан чиқди.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Бироқ охирги ойда Ғарбнинг узоққа отадиган замбарак ва ракета тизимларини қўлга киритган Украина душман мавқеъларини, қурол-яроғ ва ёқилғи омборларини, қўмондонликларини нишонга олмоқда, бу эса Россия ҳужумларини икки ёки уч баравар камайтирган.
"Бу замбараклар ҳамма нарсани ўзгартираяпти", дейди Франция Украинага совға қилган Цезар замбараги бўлинмаси қўмондони Дмитро.
Алоқадор мавзулар
"Биз янаям узоқдаги русларни янада аниқроқ уролаяпмиз. Бу дегани, руслар бизга олдингига қараганда икки ёки уч баравар кам ҳужум қилолаяптилар", дейди у.
Би-би-си мухбири Эндрю Ҳардинг Донбассдаги уруш жабҳаси ноодатий сукутга чўмганининг гувоҳи бўлди.
- Бу сукутга қулоқ солинг!, - дейди фронт чизиғидаги окопда ўтирган Би-би-си мухбири. -Аскарларнинг бизга(яъни, журналистларга) уруш жабҳасигача келишимизга рухсат берганлари - Ғарб қуроллари қанчалар катта ўзгариш ясаганини кўрсатади. Лекин агар украинлар руслар оқимини ортга қайтармоқчи бўлсалар, янада катта ўзгариш зарур бўлади.
Шунингдек, уруш учун муҳим Херсон яқинидаги Днепр дарёси устида қурилган, узунлиги 1366 метрлик Антонов кўприги Украина ҳарбийлари Америкадан олган HIMARS ракеталари билан зарба берганидан сўнг яроқсиз ҳолга келган.
Бу Россиянинг кўприк орқали қурол-яроғ ва ҳарбий таъминот етказиб беришини чеклаб қўйган.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
