Россия Украинадан ўғирлаган ғаллани қаерга олиб бораяпти? Dunyo, yangilikar, urush

Би-би-си суриштируви Россия кучлари босиб олган жойларидан минглаб тонна Украина буғдойини ўғирлагани ҳақида далилларни қўлга киритди.

БМТ Украинадан ғалла етказиб беришдаги муаммолар туфайли Африка ва Яқин шарқда очарчилик хавфидан огоҳлантирмоқда. Москва ўғирлик ҳақидаги айбловларни рад қилади, бироқ Россия ўрнатган ҳокимият Украина донини халқ манфаати учун мусодара қилиш ҳақида буйруқ чиқаргани маълум бўлди.

Украинадаги Россия аскарлари уруш жинояти, қотиллик ва жинсий зўрлашда айбланаётганди. Бироқ улар энди Украина дон маҳсулотларини саноат миқёсида ўғирлашда ҳам айбланмоқда.

"Улар биноларимиз, жиҳозларимиз ва кўзига кўринган ҳамма нарсани яксон қилишди. Қўли етган нарса йўқолди", дейди исми ўзгартирилган фермер Дмитро.

Биз ерлари Россия босиб олган минтақада қолган 200 дан ортиқ фермер билан боғланишга ҳаракат қилдик.

Уларнинг аксарияти гапиришга қўрқди, фақат бир киши суҳбатга рози бўлди. Шахсини ҳимоя қилиш учун, унинг исми ўзгардик ва овозини бошқа киши ўқиди.

"Офисимизни талон тарож қилишди, ҳатто девордан симларни суғириб олишди, яқинларимизнинг расмларини олиб кетишди", дейди Дмитро.

Интернетга сиздирилган тасвирларда Россияликлар фермага келган вақт муҳрланган.

Танкда Z белгисини кўриш мумкин. Аскарлардан бири хавфсизлик камерасини отишга ҳаракат қилди, аммо теккизолмади. Кейин минглаб тонна ғалла ўғирланган юк машиналарида олиб чиқиб кетилган.

Бир юк машинасидаги GPS қурилмаси ёрдамида унинг изига тушдик.

У аввалига Москва 8 йил олдин қўшиб олган Қримга борди, кейин эса Украина ғалласи қадоқланиб Россия маҳсулоти сифатида экспорт қилинади, деб хавотирланадиган Россияга ўтди.

Юк машинаси йўл-йўлакай томида Z белгиси пайдо бўлган ғалла омборида тўхтаган.

Украина расмийлари Россия бостириб киргандан бери 800 минг тоннагача дон маҳсулотлари ўғирлаган, деб хавотирланишади.

Бу қарийб бир аср олдин Иосиф Сталин бу ўлкада уюштирган даҳшатли очарчилик даврини ёдга солади.

"Украина байроғи рангида ҳаммаси очиқ ойдин. Сариқ дала узра мовий осмон ушбу унумдор замин одамлар учун қанчалик муҳимлигини кўрсатади. Бу мамлакатнинг руҳидир. Россия босқини ва Украина донини ўғирлаши бу ердагиларга қаттиқ таъсир қилади, шунингдек, унинг оқибатлари дунёнинг бошқа қисмида ҳам сезилади", дейди Би-би-си мухбири Ник Бик.

"Россияликлар бизни миллат, озодлик ва меҳнатга интилувчи халқ сифатида йўқ қилмоқда. Улар бизнинг еримиз бўлишини ва ундан даромад қилишимизни исташмайди", дейди Дмитро.

Ўғирланмаган ғалла йўқ қилинмоқда.

Украина ҳарбийлари томонидан тарқатилган видеода айтилишича, Россия кучлари дон омборини портлатишяпти. Россия Украина маҳсулотларини йўқ қилгани ёки ўғирлагинини рад қилади.

Балки Украина донини халқ манфаати учун мусодара қилаётганини айтади.

Қўлимизга Россия тайинлаган ҳукуматга оид ҳужжат тушди. Унда айтилишича, минтақанинг озиқ овқат хавфсизлигини таъминлаш учун ширкат омборидан буғдой ва арпани олиш ҳақида буйруқ берилган.

"Ҳозир жуда ҳам кўпчилик буғдойи ўғирланган бўлиши ва кўп одам қийналаётганини англамаган ҳолда ўтириб сандвичини еяётган бўлса керак. Дунё нега сукут сақлаётгани ва бу адолатсизликни жазолаш учун ҳеч нарса қилмаётганини тушунмаяпман", дейди Дмитро.

Украина донининг оммавий ўғирланиши шусиз ҳам танг вазиятда қолаётган иқтисоднинг ушбу муҳим соҳасини фалажлаб қўйиши мумкин.

Россиянинг айрим фермерларни нишонга олаётган жинояти асоратларини бутун давлат ва қолганлар ҳам сезиши мумкин.

Telegram каналимиз: https://t.me/bbcuzbek

BBCUZBEK.COM билан Telegram орқали +44 7858860002 номери билан боғланинг.