Ҳиндистон: Хотинини кобрага чақтириб ўлдирган эркак икки карра умрбод қамоқ жазосига ҳукм қилинди - Hindiston dunyo zo'ravonlik yangiliklar

Тўй сурати
Сурат тагсўзи, 25 ёшли келинчак ўтган йил май ойида ўз уйида ўлик ҳолда топилган

Ҳиндистонлик Сураж Кумар ўз хотинини кетма-кет иккита ўта заҳарли илонга чақтирган. Кобраники алал-оқибат уни ўлдирган. Маҳкама эрини икки бор умрбод қамоқ жазосига ҳукм қилган. Бунақа жазо Ҳиндистонда камдан-кам берилади.

У ўтган йили, хотини илон чақиши туфайли вафот этиши ортидан ҳибсга олинган.

Сеп учун куёвлари ўзларини ҳол-жонларига қўймай келганини айтиб, марҳуманинг оиласи қизлари қотиллик қурбони бўлганини иддао қилишган.

Уларнинг мурожаати ортидан полиция тергов, суриштирув ишларини бошлаган.

Суд мазкур жиноий иш юзасидан ўз ҳукмини шу ҳафта душанба куни эълон қилган.

Маҳкама эркакни ухлаб ётган хотинининг тўшагига кобра қўйиб юборишда айбдор, деб топган.

Кўмакчи шерик

Sooraj Kumar and hiw wife Uthra at their wedding

25 ёшли қурбон ўтган йилнинг май ойида ўз уйида ўлик ҳолда топилган.

Кобра ҳодисасидан бир неча ҳафта олдин уни ўта заҳарли Рассел - занжирсимон илон ҳам чаққан бўлган.

Skip Энг кўп ўқилган and continue reading
Энг кўп ўқилган

End of Энг кўп ўқилган

Унинг заҳридан энди тузала бошлаганида эса, кобра чаққан.

Худди шу нарса аёлнинг қариндошлари кўнглига шубҳа солган.

Полиция ўз тергови давомида ҳар икки иш ортида айнан унинг эри - Сураж Кумар турганини аниқлаган.

Улар, шунингдек, Суражга заҳарли илонларни қўлга киритишда кўмаклашган шахсни ҳам қўлга олишган.

Маълум бўлишича, бу шахс полиция билан ҳамкорлик қилишга рози бўлган, ишни очишга ёрдам берган.

Айблов

Сураж Кумар

Сурат манбаси, Kaviyoor Santhosh

Сурат тагсўзи, Суд Сураж Кумарни ўз хотинини кобрага чақтириб, ўлдиришда айбдор, деб топди

Ҳиндистондаги LiveLaw юридик веб сайтининг маълум қилишича, полициянинг айбловлари нақ 1000 саҳифани ташкил этган.

Уларда Сураж томонидан режаланган ва амалга оширилган пухта ўйланган фитнанинг бор тафсилотлари акс этган.

Қоралов томони бунақа иш "камдан-кам учраши"ни айтиб, судланувчига ўлим жазоси берилишини талаб қилган.

Суд бунинг "ўта камёб" ҳодиса эканини эътироф этган.

Айбланувчини икки бор умрбод қамоқ жазосига ҳукм этган, унга $6.635 минг доллар миқдорида жарима ҳам солган.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek