Ал Бано тўнлик бўлган 'Шарқ тароналари' самарқандликларга қанчалик татимоқда?
Италиялик таниқли қўшиқчи Ал Бано Ўзбекистон ҳукумати мулозимлари қаршисида қўшиқ ижро этган навбатдаги ғарблик юлдуз санъаткор бўлган.
Ал Бано Самарқанд тупроғини ўпиш билан бирга, президент Ислом Каримовни ҳам роса мақтаган.
Самарқанддаги "Шарқ тароналари" фестивалида ўзининг машҳур "Феличита" қўшиғини фонограммада ижро этган ва Ўзбекистон Президенти Ислом Каримовни президентим, деб атаган қўшиқчига шахсан унинг ўзи тўн кийдирган:
Аввалроқ президент Каримовнинг тўнғич қизи Гулнора Каримованинг тадбирида иштирок этган британиялик машҳур қўшиқчи Стинг Ғарб матбуотида, "иккиюзламачи", деб танқид қилинганди.
Бу йилги фестивални шахсан ўзи очиб берган жаноб Каримов, ўз ўрнида, "Самарқанд тупроғида туғилгани, самарқандлик эканини айтишдан бахтиёр экани"ни ҳам баён қилган.
"Шарқ тароналари" фестивали эса, бу йил саккизинчи бор Самарқанд шаҳрида бўлиб ўтмоқда.
Хўш, Самарқанднинг "Регистон" майдонидаги шодиёналар ва кўтаринкилик оддий самарқандликларга ҳам юқдими?
Биз ушбу савол билан самарқандлик фаол Равшан Содиқовни суҳбатга тортдик:
