خوفناک طوفان ’ڈوریئن‘ بہاماس سے ٹکرا گیا، چار امریکی ریاستوں میں ایمرجنسی کا اعلان
،تصویر کا ذریعہReuters
بہاماس میں سمندری طوفان ڈورئین کے باعث کم از کم پانچ افراد ہلاک ہو گیے ہیں۔ حکام کا کہنا ہے کہ ابتدائی اندازوں کے مطابق سمندری طوفان ڈوریئن کے بہاماس کے ساحلوں سے ٹکرانے کے بعد وہاں پر ایسی تباہی دیکھنے میں آ رہی ہے جس کی مثال نہیں ملتی۔
وزیراعظم ہربرٹ مِنس کا کہنا ہے کہ ان ہلاکتوں کی تصدیق شمال مشرقی جزیرے اباکو میں ہوئی ہے جو طوفان سے بری طرح متاثر ہے۔
وزیراعظم ہربرٹ مِنس کا کہنا ہے کہ بہاماس سے ٹکرانے کے بعد بھی بحرالکاہل کی تاریخ کا یہ دوسرا بڑا طوفان ’انتہائی خطرناک‘ ثابت ہو سکتا ہے۔
بین الاقوامی امدادی ادارے ریڈ کراس کے مطابق خدشہ ہے کہ بہاماس میں اس طوفان سے تقریباً 13 ہزار مکانات پوری طرح تباہ ہوئے ہیں یا انہیں نقصان پہنچا ہے۔
اس تحریر میں ایسا مواد ہے جو Google YouTube کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے Google YouTube ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
YouTube پوسٹ کا اختتام
یہ بھی پڑھیے
بہاماس سے آنے والے تصاویر میں سیلابی ریلوں، تباہ گاڑیوں اور کئی مقامات پر جڑ سے اکھڑے ہوئے درختوں کو دیکھا جا سکتا ہے۔
End of سب سے زیادہ پڑھی جانے والی
جب سے سمندری طوفانوں کا ریکارڈ جمع کرنے کا سلسلہ شروع ہوا ہے، ڈرویئن بہاماس کے ساحلوں سے ٹکرانے والا سب سے طاقتور طوفان ہے اور ماہرین کا کہنا ہے کہ اب یہ طوفان خطرناک حد تک امریکہ کے مشرقی ساحلوں کے قریب پہنچنے والا ہے۔
جب ڈوریئن بہاماس سے ٹکرایا تو اس وقت تک یہ درجہ پانچ کا طوفان بن چکا تھا، تاہم اب اس کی شدت میں کمی آ گئی ہے اور اسے کیٹیگری چار کا طوفان سمجھا جا رہا ہے۔ سمندری طوفانوں پر نظر رکھنے والے امریکی مرکز ’نیشنل ہریکین سینٹر‘ کی تازہ ترین اطلاعات کے مطابق اب اس طوفان کی رفتار تقریباً 250 کلومیٹر فی گھنٹہ ہو چکی ہے۔
امریکی مرکز کا مزید کہنا تھا کہ اگر ڈوریئن اپنا راستہ تھوڑا سا بھی تبدیل کرتا ہے، تو یہ ریاست فلوریڈا کے مشرقی ساحل سے ٹکرا سکتا ہے۔
ڈوریئن کے بہاماس سے ٹکرانے سے قبل مقامی حکام نے خبردار کیا تھا کہ طوفان کی موجیں 23 فٹ اونچی اور جان لیوا ثابت ہو سکتی ہیں۔
تیز ہواؤں اور موسلا دھار بارش نے بہاماس جزیرے کو بری طرح متاثر کیا ہے۔
اتوار کے روز دوپہر کے وقت (16:00 GMT) طوفان ٹکرانے کے بعد بہاماس کے جزیروں میں کئی علاقے پانی میں ڈوب گئے۔
مقامی رہائشیوں نے سیلاب کے پانی کو گھروں کا گھیراؤ کرتے اور ان کی چھتیں اڑنے کی فوٹیج سوشل میڈیا پر شیئر کیں۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 1
ڈورین آہستہ آہستہ مغرب کی طرف بڑھ رہا ہے اور مشرقی امریکی سمندری حدود والے علاقے اس کی زد میں آ سکتے ہیں۔
امریکی ریاستوں فلوریڈا، جارجیا، جنوبی کیرولائنا اور شمالی کیرولائنا میں ہنگامی صورتحال کا اعلان کر دیا گیا ہے اور ان ریاستوں کے رہائشی علاقوں کو خالی کر رہے ہیں۔
،تصویر کا ذریعہGetty Images
صدر ڈونلڈ ٹرمپ نے کہا ہے کہ وہ سمندی طوفان ڈوریئن پر نظر رکھے ہوئے ہیں۔ امریکی صدر نے اس طوفان کے پیش نظر اپنا دورہ پولینڈ بھی منسوخ کر دیا ہے۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 2
اپنی ٹویٹ میں انھوں نے اس طوفان کے راستے میں آنے والے شہریوں کو محتاط رہنے کی ہدایت کی ہے۔
امریکہ کے قومی طوفان مرکز(این ایچ سی) کا کہنا ہے کہ جدید ریکارڈ کے مطابق یہ ’انتہائی خطرناک‘ طوفان اس علاقے میں آنے والا سب سے طاقتور طوفان ہے۔
،تصویر کا ذریعہReuters
مقامی وقت کے مطابق پیر کے روز یا منگل کی رات سمندری طوفان ڈوریئن امریکی ریاست فلوریڈا کے مشرقی ساحل کے قریب تر پہنچ جائے گا۔
،تصویر کا ذریعہGetty Images
اورلینڈو میں ڈزنی ورلڈ سمیت مشہور مقامات کی انتظامیہ نے کہا ہے کہ وہ طوفان کی ’قریب سے نگرانی کر رہے ہیں۔‘ ساحلی شہر میامی میں بھی حکام نے بجلی سے چلنے والے کرایے کے سکوٹروں کو سڑکوں سے ہٹانے کا حکم دیا ہے۔
