گلوبل جینڈر گیپ رپورٹ 2018 کے پانچ حیران کن انکشافات: خواتین کو برابری دینے میں پاکستان صرف یمن سے آگے
،تصویر کا ذریعہGetty Images
پاکستان کا شمار ان ممالک میں ہوتا ہے جہاں خواتین کے حقوق کی صورتِ حال انتہائی تشویشناک ہے۔
ورلڈ اکنامک فورم کی سالانہ ’گلوبل جینڈر گیپ رپورٹ 2018‘ میں پاکستان کو 149 ملکوں کی فہرست میں 148 نمبر پر رکھا گیا ہے۔
،تصویر کا ذریعہGlobal Gender Gap Report 2018
پاکستان کی صورتِ حال اتنی گمبھیر ہے کہ ملک کے صدر نے بھی اس پر گہری تشویش کا اظہار کیا ہے۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام
سنہ 2006 سے ہر سال شائع ہونے والی اس رپورٹ میں صنفی تفریق کا جائزہ لیا جاتا ہے اور ہر ملک کی چار شعبوں میں کارکردگی کی بنیاد پر درجہ بندی کی جاتی ہے: خواتین کے لیے اقتصادی مواقعوں کی فراہمی، ان کی تعلیمی کارکردگی، صحت اور ان کو سیاسی اختیارات کی فراہمی۔
لیکن محض یہی بری خبر نہیں!
رپورٹ کے مطابق اگر دنیا نے خواتین کو بااختیار بنانے کے لیے خاطر خواہ اقدامات نہ کیے تو مرد اور عورت کے درمیان موجود تنخواہوں کے فرق کو پُر کرنے میں 100 سال سے زیادہ عرصہ لگ سکتا ہے۔
،تصویر کا ذریعہGetty Images
’مساوات حاصل کرنے میں 200 سال لگیں گے‘
دنیا بھر میں مشترکہ طور پر عدم مساوات کی وجہ سے اقتصادی مواقعوں کی فراہمی کے حوالے سے حالات تو خراب ہیں ہی، لیکن مردوں اور عورتوں کے درمیان تنخواہوں کا فرق اس سے بھی بدتر ہے۔
البتہ سیاست وہ واحد شعبہ ہے جہاں تیزی سے بہتری آ رہی ہے۔ تو جہاں سیاسی برابری حاصل کرنے میں اوسطاً 107 سال لگیں گے، وہیں اقتصادی طور پر بااختیار ہونے میں مزید 202 سال بیت جائیں گے۔
انٹرنیشنل لیبر آرگنائزیشن کی ایک تازہ رپورٹ کے مطابق مردوں اور عورتوں کے درمیان تنخواہوں کے فرق کی عالمی اوسط 20 فیصد ہے۔
End of سب سے زیادہ پڑھی جانے والی
یہ بھی پڑھیے
رپورٹ میں بتایا گیا ہے کہ بین الاقوامی سطح پر سینیئر عہدوں پر فائض خواتین کی شرح صرف 35 فیصد ہے اور انکشاف کیا گیا ہے کہ مردوں کے مقابلے میں خواتین ایسے کام زیادہ کرتی ہیں جن کی انھیں کوئی اجرت نہیں ملتی۔
تحقیق کے مطابق 60 فیصد ممالک میں خواتین کے پاس بینکنگ اور دیگر اقتصادی سہولیات تک رسائی کے مواقع مردوں کے برابر ہیں، جبکہ جائیداد کے مساوی حقوق صرف 42 فیصد ممالک میں ہیں۔
،تصویر کا ذریعہGetty Images
سرکاری دفاتر میں امتیازی سلوک
رپورٹ میں جن 149 ممالک کا ذکر ہے، ان میں صرف 17 ملکوں کی سربراہی خواتین کے ہاتھوں میں ہے۔
پچھلی نصف صدی میں ایک خاتون وزیراعظم یا سربراہ مملکت کا اوسط دورِ حکومت 2 .2 برس بتایا جاتا ہے، اور اگر ملک کی کابینہ میں شمولیت کی بات کی جائے تو خواتین کی اوسط شرح محض 18 فیصد ہے۔
دنیا بھر میں پارلیمان میں شمولیت کے لحاظ سے خواتین کے حصے میں صرف 24 فیصد نشستیں آتی ہیں۔
لیکن اس لحاظ سے مشرقی افریقہ کے ملک روانڈا میں صورتحال کچھ منفرد ہے۔ وہاں کی پارلیمان میں 61 فیصد سے زیادہ اراکین خواتین ہیں، جس کی بدولت روانڈا کا شمار گلوبل جینڈر گیپ رپورٹ میں چھٹے نمبر پر ہوتا ہے۔
،تصویر کا ذریعہGetty Images
تعلیمی مواقعوں کی کمی
ورلڈ اکنامک فورم کا دعویٰ ہے کہ 44 ممالک میں خواتین کی شرح خواندگی 80 فیصد سے کم ہے۔ رپورٹ کے مطابق افریقی ملک چاڈ میں حالات سب سے گمبھیر ہیں، جہاں صرف 13 فیصد خواتین لکھ یا پڑھ سکتی ہیں۔
لیکن مثبت بات یہ سامنے آئی ہے کہ تعلیم کے شعبے میں موجود صنفی تفریق کا خاتمہ 14 برسوں میں ممکن ہو سکتا ہے۔
لیکن رپورٹ میں یہ خدشہ ظاہر کیا گیا ہے کہ لڑکوں کے مقابلے میں سکول جانے والی لڑکیوں کی شرح کم ہے۔
سیکنڈری سکول میں یہ تناسب 66 فیصد (لڑکے) اور 65 فیصد (لڑکیاں) ہے، لیکن یونیورسٹی پہنچ کر صرف 39 فیصد لڑکیاں رہ جاتی ہیں۔
،تصویر کا ذریعہGetty Images
صحت کی صورت حال
رپورٹ کے مطابق مردوں اور عورتوں کی عمروں کے درمیان فرق تقریباً ختم ہونے کو ہے۔
149 میں سے صرف تین ممالک ایسے تھے جہاں مردوں کی اوسط طبعی عمر خواتین سے اب بھی زیادہ ہے۔ ان میں کویت، بھوٹان اور بحرین شامل ہیں۔
،تصویر کا ذریعہGetty Images
صرف پیسہ مسائل کا حل نہیں
اگرچہ چار ترقی یافتہ ملک - آئس لینڈ، ناروے، سویڈن اور فن لینڈ - 149 ممالک میں سرِفہرست ہیں، یہ کہنا غلط ہوگا کہ صرف پیسہ ہی خوشحالی کا ضامن ہے۔
ٹاپ ٹین میں چار ترقی پذیر ممالک - نکاراگوا (5)، روانڈا (6)، فلپائن (8) اور نمیبیا (10) - بھی شامل ہیں۔
اس کے برعکس دنیا کی سب سے بڑی معیشت، امریکہ، 51ویں نمبر پر آتی ہے، جبکہ اٹلی کا 70واں نمبر ہے۔
روس (75)، برازیل (95)، چین (103) اور جاپان (110) حیران کن طور پر رینکنگ میں کافی نیچے پائے جاتے ہیں۔
