حال ہی میں مغربی ملکوں میں کھلونوں کی صنعت پر دباؤ ڈالنے کے لیے مہم چلائی جا رہی ہے کہ وہ صرف ایک صنف پر مرکوز کھلونے تیار نہ کریں۔

ناقدین چاہتے ہیں کہ لڑکیوں کے لیے صرف گلابی رنگ کے کھلونے نہ بنائے جائیں۔ گڑیاں ایسے کھلونوں کی واضح مثال ہیں جو خاص طور پر بچیوں کو ذہن میں رکھ کر تیار کیے جاتے ہیں۔

صنفی مساوات کے کارکنوں کا کہنا ہے کہ بچے بچپن میں جن کھلونوں کے ساتھ کھیلتے ہیں، بالغ ہو کر ان سے وابستہ توقعات پر اس کا گہرا اثر پڑتا ہے۔

ان کا کہنا ہے کہ اگر لڑکیوں کو صرف ایسے کھلونے ملیں جن سے انھیں گھریلو کام کرنے کی ترغیب ملے، یا صرف فیشن والی مصنوعات ملیں تو بڑی ہو کر انھیں خود کر سائنس دان، کاروباری یا رہنما کے کردار میں دیکھنا مشکل ہو جاتا ہے۔

کچھ کمپنیاں جان بوجھ کر اب ٹرانسجینڈر، معذور یا بھاری جسامت والی گڑیاں بنا رہی ہیں تاکہ لوگوں کے شناخت کے بارے میں نظریات اور رویے بدلے جا سکیں۔