گھر کے کام، خاص طور پر صفائی ستھرائی کو عورت کی ذمہ داری قرار دیا جاتا ہے۔

بہت سے معاشروں میں خواتین کا کردار بدلا ہے، لیکن اب بھی گھر کو صاف ستھرا رکھنے کا زیادہ تر سماجی دباؤ عورت پر ہی ہے، چاہے وہ کل وقتی ملازمت ہی کیوں نہ کرتی ہو۔

برطانیہ میں 2016 میں ہونے والے ایک سروے کے مطابق عورتیں مردوں کے مقابلے پر 60 فیصد گھر کا کام زیادہ کرتی ہیں۔

اقوامِ متحدہ کے مطابق ترقی یافتہ ملکوں میں عورتیں مردوں کے مقابلے پر یومیہ 30 منٹ، جب کہ ترقی پذیر ملکوں میں 50 منٹ یومیہ زیادہ گھر کے کام کرتی ہیں۔

اس کا مطلب ہے کہ عورتوں کو مردوں کے مقابلے میں سال میں 19 دن زیادہ کام کرنا پڑتا ہے۔