شاہی شادی دکھانے کے لیے ٹی وی لائسنس کی چھوٹ
،تصویر کا ذریعہAFP/Getty Images
بی بی سی کا کہنا ہے کہ گلی محلوں میں ہونے والی محفلوں میں شاہی شادی کی تقریب بغیر ٹی وی لائسنس کے دکھائی جا سکتی ہیں۔
اس کا مطلب ہے کہ شاہی شادی دکھانے کے لیے ٹی وی لائسنس کے حصول کی چھوٹ ہوگی۔
عام طور پر کسی مخصوص علاقے میں ٹی وی کی لائیو نشریات دکھانے کے لیے ٹیلی وژن لائسنس درکار ہوتا ہے تاہم ان مخصوص حالات میں اس کی رعایت دی گئی ہے۔
اسی بارے میں
حکومت کا کہنا ہے کہ 19 مئی کو ہونے والی شادی کے لیے سینکڑوں سٹریٹ پارٹیز کے لیے خصوصی درخواستیں دائر کی گئی ہیں۔ جن میں بروملے اور جنوبی مشرقی لندن میں 60، مغربی لندن اور رچمنڈ میں 54 جبکہ ریڈنگ اور بریک شائر میں 12 درخواستیں موصول ہوئیں۔
حکومت کا کہنا ہے کہ متعدد کونسلز نے ان سٹریٹ پارٹیز کے لیے فیس کو معاف کر دیا ہے اور اس خصوصی تقریب کی وجہ سے شراب خانوں کے کھلے رہنے کے اوقات میں بھی رعایت دی گئی ہے۔
بی بی سی کے ریوینیو مینیجمنٹ کے سربراہ پیپا ڈاؤٹفائر کا کہنا ہے کہ ’غیر معمولی حالات کے پیشِ نظر عارضی طور پر یہ چھوٹ دی گئی ہے۔‘
End of سب سے زیادہ پڑھی جانے والی
برطانوی شہزادہ ہیری اور امریکی اداکارہ میگھن مارکل دونوں 19 مئی کو رشتۂ ازداوج میں بندھ جائیں گے۔
