عبدالرشید شکور بی بی سی اردو ڈاٹ کام، کراچی

	یونس خان کو ماضی میں بھی پاکستانی ٹیم کا کپتان بنایا جا چکا ہے

یونس خان کے علاوہ پی سی بی کے چیئرمین سے کوچ انتخاب عالم، مینیجر یاور سعید اور چیف سلیکٹر عبدالقادر نے بھیملاقات کی اور ان سے سری لنکا کے خلاف ون ڈے شکست کے اسباب معلوم کیے۔

واضح رہے کہ پاکستان کرکٹ بورڈ نے شعیب ملک کو غیرمعینہ مدت کے لیے کپتان مقرر کیا تھا لیکن سری لنکا کے خلاف ون ڈے سیریز ہارنے اور خصوصاً تیسرے ون ڈے میں اپنے سب سے کم سکور پر آؤٹ ہو کر سب سے بڑی شکست سے دوچار ہونے کے بعد ان کی قائدانہ صلاحیتوں پر مبصرین اور ماہرین نے اعتراضات کیے ہیں اور ان کی جگہ کسی سینیئر کرکٹر کو قیادت سونپنے کا مطالبہ سامنے آیا ہے۔

لاہور ون ڈے کے بعد جب پاکستان کرکٹ بورڈ کے چیئرمین اعجاز بٹ سے شعیب ملک کی جگہ کسی دوسرے کرکٹر کو کپتانی دیے جانے کے بارے میں پوچھا گیا تو انہوں نے شعیب ملک کا بھرپور دفاع کرتے ہوئے انہیں کپتانی سے ہٹائے جانے کو خارج ازامکان قرار دے دیا تھا۔

البتہ پاکستان کرکٹ بورڈ کے چیئرمین نے شعیب ملک کے ان ریمارکس کا سختی سے نوٹس لیا تھا جن میں انہوں نے فاسٹ بولر شعیب اختر کی فٹنس اور سنجیدگی پر تنقید کی تھی۔ پی سی بی چیئرمین کی اس سرزنش کے بعد شعیب ملک نے ٹی وی کیمروں کے سامنے دیئے گئے اپنے ہی بیان کی تردید کردی تھی۔

یونس خان کو اس سے قبل بھی پاکستانی کرکٹ ٹیم کی قیادت کی پیشکش ہو چکی ہے لیکن وہ اس کے لئے تیار نہیں ہوئے یہاں تک کہ دو ہزار چھ کی چیمپئنز ٹرافی کے لیے کپتان بنائے جانے کے بعد انہوں نے اس وقت کے پی سی بی چیئرمین شہریارخان سے ناراضگی پر کپتانی چھوڑنے کا اعلان کردیا اور ڈاکٹر نسیم اشرف کے چیئرمین بننے کے بعد وہ دوبارہ یہ ذمہ داری سنبھالنے کے لیے تیار ہوئے۔

دو ہزار سات کے ورلڈ کپ کے بعد جب انضمام الحق نے بین الاقوامی کرکٹ کو خیرباد کہا تو اس وقت بھی یونس خان کپتانی کے مضبوط امیدوار کے طور پر سامنے آئے لیکن بورڈ نے شعیب ملک کو کپتان مقرر کردیا۔

بھارت کے دورے میں شعیب ملک کے ان فٹ ہونے کے سبب یونس خان نے دو ٹیسٹ میچوں میں پاکستانی کرکٹ ٹیم کی قیادت کی تھی۔