 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
بھارتی ٹیم کا پاک دورہ منسوخ | ||||||||||||||||||||||||||||||||||||||||
ممبئی میں ہونے والے شدت پسند حملوں کے نتیجے میں پاکستان اور ہندوستان کے مابین بگڑتے ہوئے تعلقات کے پس منظر میں بھارتی کرکٹ بورڈ نے جنوری فروری میں بھارتی کرکٹ ٹیم کا پاکستان کا مجوزہ دورہ منسوخ کردیا ہے۔ بھارت کرکٹ بورڈ کے حکام کا کہنا ہے کہ انہوں نے یہ فیصلہ حکومتِ ہندوستان کے حکم پر کیا ہے۔ بی سی سی آئی کے نائب صدر اور ممبر پارلیمان راجیو شکلا کا کہنا ہے کہ حکومت نے بی سی سی آئی کو احکامات جاری کیے ہیں کہ آئندہ ماہ شروع ہونے والے بھارتی ٹیم کے پاکستان کے دورے کو منسوخ کردیا جائے۔ بھارت کی کرکٹ ٹیم چار جنوری سے شروع ہونے والے اس دورے میں تین ٹیسٹ، پانچ ایک روزہ بین الاقوامی میچ اور ایک ٹونٹی ٹونٹی میچ کھیلنے والی تھی۔ ’بی سی سی آئی کے صدر یہ پہلی ہی واضح کرچکے ہیں کہ دورے سے متعلق حکومت جو بھی رائے دیتی ہے فیصلہ اسکے حساب سے لیا جائے گا۔ اس پالیسی فیصلے کو دھیان میں رکھتے ہوئے ہی ٹور کو منسوخ کرنے کا فیصلہ کیا گیا ہے۔‘ پاکستان کرکٹ بورڈ کے ترجمان سلیم الطاف کا کہنا ہے کہ دورہ منسوخ کرنے کا فیصلہ نہ تو ہندوستان کے حق میں ہے اور نہ ہی پاکستان کے بارے میں۔ درایں اثناء پاکستان نے بھارتی کرکٹ ٹیم کا دورہ منسوخ ہونے کے بعد سری لنکا کو پاکستان کا دورہ کرنے کی دعوت دی ہے۔ سری لنکا کی ٹیم اپنے مجوزہ دورے میں تین ٹیسٹ، تین ایک روزہ بین الاقوامی میچ اور ایک ٹونٹی ٹونٹی میچ کھیلی گی۔
اس سے پہلے ہندوستان کے کھیل کے وزیر ایم ایس گل نے لوک سبھا اس فیصلے کا اعلان کیا۔ دورہ منسوخ کرنے کا فیصلہ حالیہ ممبئی حملوں کے بعد کشیدہ ہوتے ہند پاک تعلقات کے پیش نظر کیا گیا ہے۔ بھارتی کرکٹ ٹیم 8 جنوری سے 19 فروری تک پاکستان کے دورے پر جا رہی تھی جہاں وہ تین ٹیسٹ، پانچ ون ڈے اور ایک ٹونٹی ٹونٹی میچ پر مشتمل سیریز کھیلنے والی تھی۔ ممبئی حملوں سے پہلے بھی بھارتی ٹیم کا یہ دورہ سیکورٹی خدشات کے سبب شک و شبہات کے گھیرے میں تھا۔ پاکستان کے دورے پر آنے والی کسی بھی بین الاقوامی کرکٹ ٹیم کی طرف سے اس سال کے دوران منسوخ کیا جانے والا یہ تیسرا دورہ ہے۔ آسٹریلیا کی ٹیم مارچ میں پاکستان کا دورہ کرنے والی تھی لیکن سکیورٹی خدشات کی بنیاد پر یہ دورہ منسوخ کر دیا گیا۔ بعد میں انٹرنیشنل کرکٹ کونسل نے ستمبر میں ہونے والی چیمیئنز ٹرافی کرکٹ ٹورنامنٹ کو بھی سکیورٹی خدشات کی بنیاد پر منسوخ کرنے کا اعلان کر دیا تھا۔ |  اسی بارے میں  خراب فارم پر ڈراوڈ سے بات چیت17 December, 2008 | کھیل اعجاز بٹ بھارت جائیں گے05 December, 2008 | کھیل ویسٹ انڈیز ٹیسٹ سیریز ختم28 October, 2008 | کھیل دو کروڑ ڈالر کا میچ خطرے میں 07 October, 2008 | کھیل ’شائقین کو دلچسپ کرکٹ ملے گی‘18 September, 2008 | کھیل سمیع، رانا نوید بھی آئی سی ایل میں14 February, 2008 | کھیل محمد یوسف کے خلاف حکم امتناعی17 December, 2007 | کھیل انڈین کرکٹ لیگ ٹورنامنٹ کا آغاز 30 November, 2007 | کھیل | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
بی سی سی آئی کے صدر یہ پہلی ہی واضح کرچکے ہیں کہ دورے سے متعلق حکومت جو بھی رائے دیتی ہے فیصلہ اسکے حساب سے لیا جائے گا۔ اس پالیسی فیصلے کو دھیان میں رکھتے ہوئے ہی دورے کو منسوخ کرنے کا فیصلہ کیا گیا ہے
