سائمن کیٹچ نے چونتیس رنز کی اننگز کھیلی

اس طرح آسٹریلیا کو بھارت پر دو سو تریسٹھ رن کی مجموعی برتری حاصل ہو چکی ہے۔

میچ کا تفصیلی سکور کارڈ

جب چوتھے دن کا کھیل ختم ہوا تو بریڈ ہیڈن اور شین واٹسن کریز پر موجود تھے اور ان دونوں نو آموز ٹیسٹ کھلاڑیوں کے درمیان پینسٹھ رن کی شراکت داری ہو چکی ہے۔

دوسری اننگز میں آسٹریلیا کی جانب سے کوئی بھی بلے باز بڑی اننگز کھیلنے میں ناکام رہا اور سائمن کیٹچ چونتیس رن کے ساتھ ٹاپ سکورر رہے۔ بھارت کی جانب سے ایشانت شرما اور ہربھجن سنگھ نے دو، دو جبکہ ظہیر خان نے ایک وکٹ حاصل کی ہے۔

اس سے قبل بھارت کی پوری ٹیم اپنی پہلی اننگز میں تین سو ساٹھ رن بنا کر آؤٹ ہوگئی اور یوں آسٹریلیا کو بھارت پر ستّر رن کی برتری حاصل ہوئی۔

چوتھے دن جب کھیل شروع ہوا تو بھارت نے تین سو تیرہ رن آٹھ کھلاڑی آؤٹ پر اپنی اننگز شروع کی اور ظہیر خان کی نصف سنچری کی بدولت بھارتی ٹیم تین سو نوے رن بنانے میں کامیاب ہو گئی۔ ظہیر خان نے ستاون رن بنائے اور ناٹ آؤٹ رہے۔

بھارتی اننگز کے دوران ظہیر خان کے علاوہ ہربھجن سنگھ اور راہول ڈاروڈ نے بھی نصف سنچریاں سکور کیں جبکہ آسٹریلیا کی جانب سے جانسن نے چار، شین واٹسن نے تین، کلارک نے دو جبکہ بریٹ لی نے ایک کھلاڑی کو آؤٹ کیا۔

یاد رہے کہ آسٹریلیا نے اپنی پہلی اننگز میں کپتان رکی پونٹنگ اور مائیک ہسی کی سنچریوں کی بدولت چار سو تیس رن بنائے تھے۔

انڈیا:
گوتم گمبھیر، وریندر سہواگ، راہول ڈراویڈ، سچن تندولکر، سورو گنگولی، لکشمن، مہندر سنگھ دھونی، انیل کمبلے، ہربھجن سنگھ، ایشانت شرما۔

آسٹریلیا:
کیٹچ، میتھیو ہیڈن، رکی پونٹنگ، مائیکل ہسی، کلارک، وائٹ، واٹسن، ہیڈِن، بریٹ لی، جو کلارک۔