مائیکل جانسن نے بھارت کے چار کھلاڑیوں کو پویلین کی راہ دکھائی

جب تیسرے دن کا کھیل ختم ہوا تو بھارت کی جانب سے انیل کمبلے اور ظہیر خان کریز پر موجود تھے۔ ان دونوں بلے بازوں کے درمیان آٹھویں وکٹ کے لیے چھیاسٹھ رن سے زائد کی شراکت ہو چکی ہے۔

میچ کا تفصیلی سکور کارڈ

بھارت کے آؤٹ ہونے والے آٹھویں کھلاڑی ہربھجن سنگھ تھے جو چوّن رن بنانے کے بعد شین واٹسن کا شکار بنے۔ یہ ٹیسٹ کرکٹ میں ہر بھجن کی پانچویں جبکہ آسٹریلیا کے خلاف تیسری نصف سنچری تھی۔ ہربھجن سنگھ اور ظہیر خان نے بھارت کے لیے آٹھویں وکٹ کی شراکت میں اسّی رن بھی بنائے۔

ہربھجن کے علاوہ دیگر بلے بازوں میں سے راہول ڈراوڈ نے بھی نصف سنچری سکور کی جبکہ اپنی آخری ٹیسٹ سیریز کھیلنے والے سورو گنگولی اور وریندر سہواگ نے بالترتیب سینتالیس، پینتالیس رنز کی اننگز کھیلیں۔

	ہربھجن نے ٹیسٹ کرکٹ میں اپنی پانچویں نصف سنچری بھی مکمل کی

تیسرے دن کے کھیل میں بھارتی بلے باز بڑی شراکت داریاں قائم کرنے میں ناکام رہے اور پہلی وکٹ کے لیے سہواگ اور گمبھیر جبکہ آٹھویں وکٹ کے لیے ہربھجن اور ظہیر کی شراکت کے علاوہ کوئی بھی قابلِ ذکر پارٹنر شپ نہ بنائی جا سکی۔

آسٹریلیا کی جانب سے جانسن نے چار، شین واٹسن نے دو جبکہ بریٹ لی اور مائیکل کلارک نے ایک، ایک کھلاڑی کو آؤٹ کیا۔

اس سے قبل میچ کے دوسرے دن آسٹریلیا کی ٹیم اپنی پہلی اننگز میں چار سو تیس رن بنا کر آؤٹ ہوگئی تھی۔آسٹریلوی اننگز کی خاص بات کپتان رکی پونٹنگ اور مائیک ہسی کی سنچریاں تھیں۔

انڈیا:
گوتم گمبھیر، وریندر سہواگ، راہول ڈراویڈ، سچن تندولکر، سورو گنگولی، لکشمن، مہندر سنگھ دھونی، انیل کمبلے، ہربھجن سنگھ، ایشانت شرما۔

آسٹریلیا:
کیٹچ، میتھیو ہیڈن، رکی پونٹنگ، مائیکل ہسی، کلارک، وائٹ، واٹسن، ہیڈِن، بریٹ لی، جو کلارک۔