راہول ڈراوڈ کو تیسری بار بھی ونڈے سیریز میں جگہ نہیں ملی ہے

بھارتی کرکٹ بورڈ نے سیریز کے لیے سولہ رکنی ٹیم کا اعلان کردیا ہے جو تین فروری سے سات مارچ کے درمیان کھیلی جائےگی۔

بورڈ کا کہنا ہے کہ مستقبل کی ٹیم کے پیش نظر انتخاب میں ان نوجوان کھلاڑیوں کو ترجیح دی گئی ہے جنہوں نے ملک کے اندر کرکٹ میں اچھی کار کردگی کا مظاہرہ کیا ہے۔

کرکٹ بورڈ کے سیکرٹری نرجن شاہ نے کہا کہ ’سلیکشن کمیٹی کے تین ارکان نے اپنی ساتھی ویکنٹپتی راجیو، رنجب بسوال اور کپتان مہندر سنگھ دھونی سے فون پر صلاح و مشورہ کے بعد ٹیم کا انتخاب کیا ہے۔‘

ٹیم کپتان مہندر سنگھ دھونی، سچن تندولکر، وریندر سہواگ، یواراج سنگھ ہربھجن سنگھ، رابن اتھپا، گوتم گمبھیر، عرفان پٹھان، سری سنتھ، آر پی سنگھ، اشانت شرما، روہت شرما، سریش رینا، دنیش کارتک، پیوش چاولہ اور پروین کمار پر مشتمل ہے۔

وریندر سہواگ کی بھی ونڈے ٹیم میں واپسی ہوئی ہے اور منوج تیواری، یوسف پٹھان اور مناف پٹیل کو متبادل کی حیثیت سے ٹیم کے ساتھ رکھا گیا ہے۔

ٹیم کپتان مہندر سنگھ دھونی، سچن تندولکر، وریندر سہواگ، یواراج سنگھ ہربھجن سنگھ، رابن اتھپا، گوتم گمبھیر، عرفان پٹھان، سری سنتھ، آر پی سنگھ، اشانت شرما، روہت شرما، سریش رینا، دنیش کارتک، پیوش چاولہ اور پروین کمار پر مشتمل ہے۔

تین فریقی ٹورنامنٹ بھارت، آسٹرلیا اور سری لنکا کی ٹیموں کے درمیان کھیلا جائےگا۔ پہلا میچ انڈیا اور آسٹریلیا کے درمیان تین فروری کو کھیلا جائےگا جبکہ پانچ فروری کو انڈیا اور سری لنکا کے درمیان مقابلہ ہوگا۔