فیڈرر دو بار ندال سے فرینچ اوپن کے فائنل میں ہار چکے ہیں

فیڈرر دو ہزار چھ اور دو ہزار سات میں ندال سے فرینچ اوپن کا فائنل ہار چکے ہیں۔ ندال گزشتہ تین بار مسلسل یہ ٹورنامنٹ جیتنے کے بعد اس بار سویڈن کے بیورن بورگ کا چار بار فرینچ اوپن جیتنے کا ریکارڈ برابر کرنے کی کوشش کریں گے۔

فیڈرر نے سیمی فائنل میں فرانس کے مونفِل کو چار سیٹ میں چھ دو، پانچ سات، چھ تین، سات پانچ سے ہرایا۔ ندال نے فائنل میں کھیلنے کے حق کے لیے سربیا کے جاکوویچ کو چھ چار، چھ دو اور سات چھ سے ہرایا۔

ہسپانیہ کے ندال اور فیڈرر کے درمیان فرینچ اوپن میں چوتھی بار مقابلہ ہوگا۔

ندال نے سیمی فائنل کے بعد کہا کہ یہ مقابلہ ان کے اندازے سے زیادہ آسان ثابت ہوا۔ فیڈرر کے بارے میں توقع تھی کہ وہ آسانی سے جیت جائیں گے لیکن فرانس کے ان سِیڈ کھلاڑی نے اس کو دوسرے سیٹ میں ہرا دیا۔

فرانس کے مونفِل کو چوتھے سیٹ میں چھ بریک پوائنٹ ملے اور انہوں نے دو میچ پوائنٹ بھی بچائے لیکن تین گھنٹے اور پانچ کے بعد فیڈرر بالآخر جیتنے میں ہو گئے۔ مونفِل نے میچ کے بعد کہا کہ ان کے پاس جیتنے کا بہت اچھا موقع تھا لیکن میچ میں کانٹیکٹ لینس ٹوٹنےکی وجہ سےان کارکردگی متاثر ہوئی۔