 | | | | | | | ||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||
|
بھارت نے پہلا ٹیسٹ جیت لیا | |||||||||||||||||||||||||||||||||||||||||||||||||||
بھارت نے دلی میں کھیلنے جانے والے پہلے ٹیسٹ میچ کے پانچویں اور آخری دن پاکستان کو چھ وکٹ سے شکست دے کر تین میچوں کی سیریز میں برتری حاصل کر لی ہے۔ پیر کو جب کھیل شروع ہوا تو بھارت کو میچ جیتنے کے لیے صرف بتیس رنز درکار تھے اور اس کی سات وکٹیں باقی تھیں۔ لیکن بھارت نے محض ایک مزید وکٹ کے نقصان پر دو سو تین رنز بنا کر میچ جیت لیا۔ بھارت کی طرف سے فتح کا سٹروک سچن تیندولکر نے لگایا جنہوں نے باسٹھویں اوور کی پہلی گیند پر شیعب اختر کو چوکا مار دیا۔ اس اننگز میں تیندولکر نے چھپن رنز بنائے اور آؤٹ نہیں ہوئے۔ انیل کملے کو پہلے میچ میں سات وکٹیں لینے پر اور چوبیس رنز بنانے پر مین آف دی میچ کا ایوارڈ دیا گیا۔ چوتھے دن کا کھیل ختم ہونے پر بھارت نے تین وکٹ کے نقصان پر ایک سو اکہتر رن بنائے تھے۔ اس سے قبل چوتھے دن کھانے کے وقفے سے پہلے پاکستان کی ٹیم اپنی دوسری اننگز میں دو سو سینتالیس رن بنا کر آؤٹ ہو گئی تھی اور یوں بھارت کو فتح کے لیے 203 رن کا ہدف ملا تھا۔ جب کھیل ختم ہوا تو سچن تندولکر بتیس اور سوروگنگولی اڑتالیس رن کے ساتھ کریز پر موجود تھے۔ اس اننگز کے دوران سچن تندولکر ٹیسٹ کرکٹ میں سب سے زیادہ رن بنانے والے کھلاڑیوں کی فہرست میں بھی دوسرے نمبر پر آ گئے ہیں۔ بھارت کے آؤٹ ہونے والے کھلاڑیوں میں راہول ڈراوڈ شعیب اختر کی گیند پر بولڈ ہوئے جبکہ وسیم جعفر نصف سنچری مکمل کرنے کے بعد شعیب اخترکا دوسرا شکار بنے۔ اس سے قبل دنیش کارتک دوسری اننگز کے پہلے ہی اوور میں شعیب اختر ہی کی گیند پر وکٹوں کے پیچھے کیچ ہوئے۔ پاکستان نے چوتھے دن کا آغاز پانچ وکٹ پر دو سو بارہ رن اور انڈیا پر ایک سو سڑسٹھ رن کی برتری کے ساتھ کیا تھا لیکن کھیل کے آغاز پر پہلے ہی اوور میں پاکستان کی چھٹی وکٹ اس وقت گری جب کامران اکمل اکیس کے سکور پر ظہیر خان کی گیند پر کیچ آؤٹ ہوئے۔ اس کے کچھ ہی دیر بعد سہیل تنویر بھی تیرہ رن بنا کر ظہیر خان کے ہاتھوں آؤٹ ہو گئے۔ مصباح الحق اور محمد سمیع سورو گنگولی کے ایک ہی اوور میں اونچے شاٹ کھیلتے ہوئے آؤٹ ہوئے۔ انڈیا کی طرف سے دوسری اننگز میں انیل کمبلے نے تین جبکہ ہربھجن سنگھ، ظہیر خان اور گنگولی نے دو دو وکٹیں حاصل کیں۔ پاکستان کی جانب سے دوسری اننگز میں سلمان بٹ کے علاوہ کوئی بھی بلے باز بڑی اننگز کھیلنے میں ناکام رہا۔ سلمان نے دوسری اننگز میں نصف سنچری بنائی اور وہ سڑسٹھ رن بنا کر انیل کمبلے کی گیند پر آؤٹ ہوئے۔ یہ بھارت کے خلاف ٹیسٹ میچوں میں ان کی پہلی نصف سنچری ہے۔ انڈیا نے اپنی پہلی اننگز میں 276 رن بنائے اور اس طرح اسے پہلی اننگز میں پاکستان پر پینتالیس رن کی برتری حاصل ہوئی تھی جبکہ پاکستان نے اپنی پہلی اننگز میں 231 رن بنائے تھے۔ | 
اسی بارے میں  ہردوسرے سال انڈیا سے سیریزکامشورہ04 November, 2007 | کھیل ’نائٹ کلب جانا انہونی بات نہیں‘24 February, 2005 | کھیل سرد موسم میں گرمادینے والا میچ18 September, 2004 | کھیل ’ ڈرا جو جیت سے کم نہیں تھا‘05 March, 2004 | کھیل | |||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||
