 | | | | | | | |||||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||||||||
|
دلّی: پانچ آؤٹ، پاکستان مشکل میں | ||||||||||||||||||||||||||||||||||||||||||||||||||||||
دِلی میں ہونے والے پہلے ٹیسٹ کے تیسرے دن پاکستان نے کھیل کے اختتام پر پانچ وکٹ کے نقصان پر دو سو بارہ رن بنائے ہیں اور اسے بھارت پر ایک سو سڑسٹھ رن کی برتری حاصل ہے۔ جب کھیل ختم ہوا تو مصباح الحق انتیس اور کامران اکمل اکیس رن کے ساتھ کریز پر موجود تھے۔ پاکستان کی جانب سے دوسری اننگز میں سلمان بٹ کے علاوہ کوئی بھی بلے باز بڑی اننگز کھیلنے میں ناکام رہا۔ سلمان نے دوسری اننگز میں نصف سنچری بنائی اور وہ سڑسٹھ رن بنا کر انیل کمبلے کی گیند پر آؤٹ ہوئے۔ یہ بھارت کے خلاف ٹیسٹ میچوں میں ان کی پہلی نصف سنچری ہے۔ پاکستان کے آؤٹ ہونے والے دیگر کھلاڑیوں میں شعیب ملک اور محمد یوسف کو ہربھجن سنگھ نے آؤٹ کیا۔ یونس خان انیل کمبلے کی گیند پر ایل بی ڈبلیو ہوئے جبکہ یاسر حمید چائے کے وقفے سے قبل، پہلی وکٹ کے لیے اکہتر رن کی شراکت کے بعد انیل کمبلے کی گیند پر لکشمن کے ہاتھوں کیچ ہوئے۔ اس سے قبل بھارت کی ٹیم اپنی اننگز میں 276 رن بنا کر آؤٹ ہو گئی، اس طرح اسے پہلی اننگز میں پاکستان پر پینتالیس رن کی برتری حاصل ہوئی۔ پاکستان نے اپنی پہلی اننگز میں 231 رن بنائے تھے۔
انڈیا نے تیسرے روز کھیل کا آغاز چھ وکٹوں پر 228 رن پر کیا تھا اور اس کی ساتویں وکٹ 262 رن پر گری جب کمبلے چوبیس رن بنا کر دانش کنیریا کی گیند پر کیچ ہوئے۔ ان کی جگہ کریز پر آنے والے ہربھجن صرف ایک ربنا سکے۔ انہیں سہیل تنویرنے بولڈ کیا۔ ظہیر خان اور مناف پٹیل بھی ٹیم کے سکور میں قابلِ ذکر اضافہ نہ کر سکے اور پویلین لوٹ گئے۔ بھارتی اننگز کی خاص بات نائب کپتان مہندر سنگھ دھونی اور لکشمن کی عمدہ نصف سنچریاں تھیں۔ انڈیا کی طرف سے وی وی ایس لکشمن نے سب سے زیادہ سکور کیا اور بہتر رن پر ناٹ آؤٹ رہے۔ لکشمن اور انیل کمبلے کے درمیان ساتویں وکٹ کے لیے چوّن رن کی شراکت ہوئی جبکہ اس سے قبل لکشمن اور دھونی کے درمیان بھی سو رن سے زائد کی شراکت ہوئی تھی۔ پاکستان کی طرف سے دانش کنیریا نے انسٹھ رن دے کر چار اور سہیل تنویر نے تراسی رن کے عوض تین کھلاڑی آؤٹ کیے۔ شعیب اختر کو دو وکٹیں ملیں۔ | 
اسی بارے میں  ہردوسرے سال انڈیا سے سیریزکامشورہ04 November, 2007 | کھیل ’نائٹ کلب جانا انہونی بات نہیں‘24 February, 2005 | کھیل سرد موسم میں گرمادینے والا میچ18 September, 2004 | کھیل ’ ڈرا جو جیت سے کم نہیں تھا‘05 March, 2004 | کھیل | ||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||
