محمد یوسف نے اپنے کیرئر کی سولہویں سنچری بنائی

فیصل آباد ٹیسٹ میں پاکستان کی ٹیم دوسری اننگز میں 490 رنز بنا کر آؤٹ ہو گئی ہے۔بھارت نے اپنی دوسری اننگز بغیر کسی نقصان کے اکیس رنز بنائے۔
پاکستان کی جانب سے شاہد آفریدی اور یونس خان نے بولنگ کا آغاز کیا ہے۔

تفصیلی سکور کارڈ

یونس خان سیریز میں دوسری مرتبہ ڈبل سینچری مکمل نہیں کر سکے ہیں اور 194 کے انفرادی سکور پر آؤٹ ہو گئے۔پہلے ٹیسٹ میں وہ ایک رنز کی کمی سے ڈبل سینچری مکمل نہیں کر سکے تھے۔

لاہور کے بعد فیصل آباد کی وکٹ بھی بیسٹمینوں کے لیے سازگار ثابت ہوئی اور دونوں ٹیموں نے مجموعی طور پر سترہ سو دو رن بنے ۔ دونوں ٹیموں کے چھ بیٹسمینوں نے سینچریاں سکور کیں جبکہ پورے میچ میں صرف اٹھائیس وکٹیں گریں۔

پانچویں روز پاکستان کی جانب سے اننگز ڈیکلیئر نہ کرنے کے فیصلہ کی وجہ سے میچ میں رہی سہی دلچسپی بھی ختم ہو گئی۔

ایک موقع پر بھارتی کپتان نے ریگولر بولروں کو ہٹا کر وکٹ کیپر مہندر دھونی اور یوراج سنگھ سے بولنگ کروائی۔بھارتی فاسٹ بولر ظہیر خان نے پاکستان کے چار کھلاڑی آؤٹ کیے۔

چوتھے دن یونس خان اور کامران اکمل نےاننگز کا آغاز کیا اور پاکستان کی پہلی وکٹ 181 کے سکور پرگری۔ اس کے بعد محمد یوسف اور یونس خان کے درمیان 242 کی شراکت ہوئی۔

کامران اکمل 78 کے انفرادی سکور پر عرفان پٹھان کی گیند پر کیچ آؤٹ ہو گئے۔محمد یوسف 126 رنز بنا کر رن آؤٹ ہوئے۔

پانچویں دن کا کھیل تصاویر میں

چوتھے دن کا کھیل تصاویر میں

تیسرے دن کا کھیل تصاویر میں

دوسرے دن کا کھیل تصاویر میں

پہلے دن کا کھیل تصاویر میں

پاکستان کی جانب سے سلمان بٹ اور کامران اکمل نے اننگز کا آغاز کیا تھا۔سلمان بٹ کو عرفان پٹھان کے دوسرے ہی اوور میں اس وقت چانس ملا جب لکشمن نے ان کا ایک آسان کیچ گرا دیا مگر وہ اس چانس سے زیادہ فائدہ نہ اٹھا سکے اور 24 رن بنا کر انیل کمبلے کی گیند پر کیچ ہو گئے۔

بھارت نے پہلی اننگز میں 603 رنز بنائے اور اس طرح اس کو پاکستان پر پندرہ رنز کی برتری حاصل ہو گئی تھی۔

پاکستانی ٹیم : انضمام الحق (کپتان)، سلمان بٹ، شعیب ملک، یونس خان، محمد یوسف، شاہد آفریدی، عبد الرزاق، کامران اکمل، شیعب اختر، محمد آصف اور دانش کنیریا۔

بھارتی ٹیم : راہول ڈراوڈ (کپتان)، وریندر سہواگ، وی وی ایس لکشمن، سچن تندولکر، یوراج سنگھ، مہندر دھونی، عرفان پٹھان، انیل کمبلے، آر پی سنگھ ، ظیہر خان اور ہربھجن سنگھ۔