 | | | | | | | |||||||||||||||||||||||||||||||||||||
| | ||||||||||||||||||||||||||||||||||||||||||
|
یونس، کامران کی نصف سنچریاں | ||||||||||||||||||||||||||||||||||||||||||
فیصل آباد ٹیسٹ کے چوتھے روز کے کھیل کے اختتام پر پاکستان نے اپنی دوسری اننگز میں ایک وکٹ کے نقصان پر 152 رن بنا لیے ہیں اور یوں اسے بھارت پر 137 رن کی برتری حاصل ہو گئی ہے۔ پاکستان کی جانب سے یونس خان اور کامران اکمل نے دوسری اننگز میں نصف سنچریاں بنائی ہیں۔ جب کھیل ختم ہوا تو یونس خان 64 اور کامران اکمل 59 رن پر ناٹ آؤٹ تھے۔ پاکستان کی جانب سے سلمان بٹ اور کامران اکمل نے اننگز کا آغاز کیا تھا۔سلمان بٹ کو عرفان پٹھان کے دوسرے ہی اوور میں اس وقت چانس ملا جب لکشمن نے ان کا ایک آسان کیچ گرا دیا مگر وہ اس چانس سے زیادہ فائدہ نہ اٹھا سکے اور 24 رن بنا کر انیل کمبلے کی گیند پر کیچ ہو گئے۔ اس سے قبل کھانے کے وقفے کے بعد بھارتی ٹیم اپنی پہلی اننگز میں 603 رن بنا کر آؤٹ ہوگئی۔ اس طرح بھارت کو پاکستان پر 15 رن کی برتری حاصل ہوگئی۔ بھارت کے آؤٹ ہونے والے آخری کھلاڑی آر پی سنگھ تھے جنہیں آفریدی نے اپنی ہی گیند پر کیچ کیا جبکہ ظہیر خان ناٹ آؤٹ رہے۔ پاکستان کی جانب سے دانش کنیریا نے تین عبدالرزاق اور شاہد آفریدی نے دو، دو جبکہ شعیب اختر اور محمد آصف نے ایک ایک وکٹ حاصل کی جبکہ ایک کھلاڑی رن آؤٹ ہوا۔
کھانے کے وقفے کے بعد جب کھیل کا آغاز ہوا تو ہربھجن اور ظہیر خان نے جارحانہ انداز سے کھیلتے ہوئے ابتدائی تین اوور میں 28 رن بنا ڈالے۔ اس موقع پر ہربھجن 38 رن بنا کر شاہد آفریدی کی گیند پر آؤٹ ہو گئے۔ میچ کے چوتھے دن پہلے سیشن میں پاکستانی بولروں نے تین بھارتی وکٹیں حاصل کی تھیں اور لنچ پر پاکستان کو بھارت پر 29 رن کی برتری حاصل تھی۔ چوتھے دن آؤٹ ہونے والے دیگر کھلاڑیوں میں انیل کمبلے 14 رن بنا کر دانش کنیریا کی گیند پر سٹمپ ہوئے۔ عرفان پٹھان اپنی سنچری سے دس رن کی دوری پر نوّے رن بنا کر عبدالرزاق کی گیند پر ایل بی ڈبلیو ہوگئے جبکہ چوتھے دن کی پہلی کامیابی پاکستان کو مہندر دھونی کی شکل میں اس وقت ملی تھی جب وہ 148 رنز بنا کر دانش کنیریا ہی کی گیند پر آؤٹ ہوئے۔ عرفان پٹھان اور دھونی نے بھارت کے لیے چھٹی وکٹ کی شراکت میں دو سو دس رن بنائے۔ دھونی کے 148 رن فیصل آباد کے گراؤنڈ پر کسی بھارتی کھلاڑی کا سب سے بڑا سکور بھی ہے۔
آج صبح جب کھیل شروع ہوا تو دھونی نے اپنی جارحانہ بلے بازی جاری رکھی اور شعیب اختر کے ایک اوور میں تین لگاتار چوکے لگائے اور اس کے بعد شعیب کی ایک جارحانہ نو بال گیند باؤنڈری کے پار چلی گئی۔ گزشتہ روز کھیل کےاختتام پر بھارت نے اپنی پہلی اننگز میں پانچ وکٹ441 رن بنائے تھے۔ اور جب کھیل ختم ہوا تھا تواس وقت مہندر دھونی اور عرفان پٹھان ناٹ آؤٹ تھے۔اس سے قبل پاکستانی ٹیم اپنی پہلی اننگز میں انضمام الحق اور شاہد آفریدی کی شاندار سنچریوں کی بدولت 588 رن بنا کر آؤٹ ہوگئی تھی۔ پاکستانی ٹیم : انضمام الحق (کپتان)، سلمان بٹ، شعیب ملک، یونس خان، محمد یوسف، شاہد آفریدی، عبد الرزاق، کامران اکمل، شیعب اختر، محمد آصف اور دانش کنیریا۔ بھارتی ٹیم : راہول ڈراوڈ (کپتان)، وریندر سہواگ، وی وی ایس لکشمن، سچن تندولکر، یوراج سنگھ، مہندر دھونی، عرفان پٹھان، انیل کمبلے، آر پی سنگھ ، ظیہر خان اور ہربھجن سنگھ۔ | 
اسی بارے میں  دھونی اور پٹھان کی عمدہ بیٹنگ23 January, 2006 | کھیل کراچی، انضمام کی شمولیت مشکوک23 January, 2006 | کھیل دھونی کی اننگز بہترین : ڈراوڈ23 January, 2006 | کھیل بھارتی بلے بازوں کی پراعتماد بیٹنگ22 January, 2006 | کھیل پاکستان مستحکم پوزیشن میں21 January, 2006 | کھیل | ||||||||||||||||||||||||||||||||||||||||||
| |||||||||||||||||||||||||||||||||||||||||||
| |||||||||||||||||||||||||||||||||||||||||||
