وریندر سہواگ ریکارڈ نہ بنانے پر اداس تھے

لاہور میں کھیلے جانے والے فائنل میچ میں بھارت کے اوپنگ بیٹسمینوں کو اوپنگ ٹیسٹ پارٹنر شپ کا ریکارڈ برابر کرنے کے لیے دس رنز درکار تھے۔ اس وقت میچ کا سکور چارسو تین پر ناٹ آؤٹ تھا۔

سہواگ نے کہا کہ ’یہ بہت برا ہوا کہ ہم اس دن ریکارڈ نہیں بنا سکے۔ جب ہم میدان میں اترے تو ہمارے ذہنوں میں یہی ایک بات تھی‘۔

انہوں نے کہا کہ اس وقت روشنی ٹھیک نہیں تھی لیکن اس کے باوجود آؤٹ ہونے سے پہلے انہوں نے رانا نوید الحسن کی گیند پر ایک چوکا لگایا۔

انہوں نے کہا کہ وہ پاکستان کے بالروں کی باؤلنگ سے بہت لطف اندوز ہوئے۔

سہواگ نے کہا کہ اس سیریز سے قبل رنز بنانے کے حوالے سے ان کی کارکردگی اچھی نہیں تھی لیکن وہ پر اعتماد تھے کہ پاکستان کے خلاف رنز بنانے میں کامیاب ہو جائیں گے اور ایسا ہی ہوا۔

میچ میں ان کے ساتھ راہول ڈراوڈ تھے جن کااس بارے میں کہنا تھا کہ پارٹنرشپ میں رنز بنانے کا تجربہ بہت خوشگوار تھا کیونکہ ٹیم پہلے دو دنوں میں دباؤ کا شکار تھی۔

پاکستان کرکٹ ٹیم کے کپتان انضمام الحق کا کہنا تھا کہ وہ ٹیم کی بیٹنگ کی
کارکردگی سے مطمئن ہیں تاہم باؤلنگ کی طرف ابھی اور توجہ کی ضرورت ہے۔