مناء رانا بی بی سی اردو ڈاٹ کام لاہور

یہ خاتون شائق ایک مرد کا کارڈ گلے میں لٹکائے میچ سے لطف اندوز ہوتی رہیں اور سکیورٹی و انتظامیہ کے کسی اہلکار نے اس کا نوٹس نہیں لیا۔

ان خاتون نے دو ہزار روپے مالیت کی ٹکٹ والے عمران خان انکلوثر میں بیٹھ کر میچ دیکھا اور میچ کے دوران کئی بار ق‍ذافی سٹیڈیم کے مین گیٹ سے آتی جاتی بھی رہیں۔

مین گیٹ سے اندر آنے کے بعد کوئی بھی شخص کھلاڑیوں اور پی سی بی آفیشلز اور غیر ملکی مہمانوں کو قریب سے دیکھ سکتا ہے۔

اس نا معلوم خاتون نے واپڈا کے کےایک سب سٹیشن اٹینڈنٹ جہانگیر اکبر کا کارڈ پہن رکھا تھا۔ کارڈ پر تصویر اور تصویر والے کا نام کافی واضح ہوتا ہے۔

سیریز سے پہلے انگلینڈ کی کرکٹ ٹیم کے لیے سکیورٹی کے خصوصی انتظامات کرنے کے اعلانات کیے گئے تھے۔

وہ پولیس والوں کی نظروں سے تو بچی رہیں لیکن ایک فوٹوگرافر کے کیمرے نے ان کے تصویر محفوظ کر لی