 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
کرکٹ: کون کون پاکستان آرہا ہے؟ | ||||||||||||||||||||||||||||||||||||||||
انگلینڈ سے کئی مشہور شخصیات پاکستان اور انگلینڈ کے درمیان ہونے والی کرکٹ سیریز دیکھنے پاکستان آ رہی ہیں جن میں کرکٹ آفیشلز اور سابق کرکٹرز شامل ہیں۔ ان شخصیات کو پاکستان کرکٹ بورڈ نے خصوصی طور پر مدعو کیا ہے۔ انگلینڈ کرکٹ بورڈ کے چئرمین ڈیوڈ مورگن تیسرا ٹیسٹ دیکھنے لاہور آئیں گے۔ ای سی بی کے ڈپٹی چئرمین مائیکل سوپر پہلے ہی پاکستان پہنچ چکے ہیں اور چیف ایگزیکٹیو ڈیوڈ کالیئر بھی یہاں پہنچنے والے ہیں۔ ایم سی سی کے صدر رابن مارلر اور سکریٹری راجرنائٹ بھی پاکستان کرکٹ کے مہمانوں میں شامل ہیں وہ فیصل آباد کا ددسرا ٹیسٹ دیکھیں گے۔ انگلینڈ کے سابق کپتان جیف بائیکاٹ اور مائیک گیٹنگ بھی سیریز کے دوران پاکستتان میں موجود ہونگے۔ مائیک گیٹنگ کی پاکستان آمد اس لیے بھی اہم ہے کہ1987ء کے دورے میں جب وہ انگلینڈ کے کپتان تھے فیصل آباد ٹیسٹ میں ایمپائر شکور رانا سے الجھ پڑے تھے اس واقعے کے نتیجے میں ٹیسٹ کا ایک دن ضائع ہوگیا تھا اس قضیے کا انجام گیٹنگ کی معافی پر ہوا تھا۔ پاکستان کرکٹ بورڈ کے ڈائریکٹر آپریشنز عباس زیدی نے بی بی سی کو بتایا کہ پاکستان کے نقطہ نظر سے یہ سیریز بڑی اہمیت کی حامل ہے۔ اس سیریز سے پاکستان اور پاکستان کرکٹ کے وقار کو بلند کرنے میں مدد ملے گی۔ ان کا کہنا ہے کہ حالیہ برسوں میں پاکستان میں سکیورٹی کے سلسلے میں جو غیرمناسب رائے قائم ہوئی ہے اس کے پس منظر میں یہ شخصیات جب پاکستان آئیں گی تو وہ خود دیکھ سکیں گی کہ پاکستان ایک پرامن اور محفوظ ملک ہے اور یہاں بڑی آسانی سے انٹرنیشنل کرکٹ سرگرمیاں جاری رہ سکتی ہیں۔ |  اسی بارے میں  لاہور میچ دلچسپ مرحلے میں08 November, 2005 | کھیل پاکستان اے کا ہدف 245 رن07 November, 2005 | کھیل ’موسم کھیل خراب کر سکتا ہے‘07 November, 2005 | کھیل کراچی میں ٹیسٹ، پاکستان کی امید05 November, 2005 | کھیل انضمام الحق کی بذلہ سنجی04 November, 2005 | کھیل انگلینڈنے پیٹرنز الیون کو ہرا دیا02 November, 2005 | کھیل | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
