 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
انگلینڈ پریکٹس میچ بھی ہار گیا | ||||||||||||||||||||||||||||||||||||||||
انگلینڈ اور پاکستان اے کے درمیان لاہور میں ہونے والے پریکٹس میچ میں پاکستان اے نے انگلینڈ کو ایک وکٹ سے شکست دے دی ہے۔ انگلینڈ نے پہلے کھیلتے ہوئے پینتالیس اوورز میں سات وکٹ کے نقصان پر 236 رنز بنائے۔ اس طرح پاکستان کو میچ جیتنے کے لیے 237 رنز کا ہدف ملا۔ پاکستان کی طرف سے یاسر حمید اور رفعت اللہ مہمند نے اوپننگ کا آغاز کیا۔ یاسر حمید صرف نو رنز بنا کر اینڈرسن کی گیند پر سولانکی کے ہاتھوں کیچ آؤٹ ہوئے جبکہ رفعت اللہ نے پچپن رنز بنائے۔ پاکستان کی طرف سے سب سے اچھی اننگز بازید خان نے کھیلی۔ وہ نوے رنز بنانے کے بعد ناٹ آؤٹ رہے۔ اس طرح پاکستان اے کی جیت میں انہوں نے کلیدی کردار ادا کیا۔ بازید کے علاوہ نمایاں سکور بنانے والوں میں فیصل اقبال شامل تھے جو اکتیس رنز بنا کر پلنکٹ کی گیند پر آؤٹ ہوئے۔ انگلینڈ کی طرف سے سب سے زیادہ سکور کولنگوڈ نے بنائے جو پچہتر رنز بنا کر ناٹ آؤٹ رہے۔ ان کے ساتھ سب سے زیادہ رنز بنانے والے میتھیو پرائر جو بہتر (72) رنز بنا کر طاہر خان کی گیند پر عمران خان کی گیند پر آؤٹ ہوئے۔ ان کی اس کارکردگی سے پاکستان کے خلاف میچ میں ان کی شمولیت کا کیس مضبوط ہوگیا ہے۔
پاکستان اے کے کپتان عبدالرزاق نے ٹاس جیت کر انگلینڈ کو کھیلنے کی دعوت دی۔ اینڈریو سٹراس نے پانچ رنز بنائے جبکہ کیون پیٹرسن کسی خاص کارکردگی کا مظاہرہ نہیں کر سکے اور محض دو رنز بنا کر آؤٹ ہوگئے۔ لاہور کے باغ جناح میں ہونے والے میچ میں پاکستان اے کے طاہر خان اور افتخار انجم نے دو دو وکٹیں لیں۔ انگلینڈ نے مارکس ٹریسکوتھک، اینڈریو فلنٹوف اور اسٹیو ہارمیسن کو اس اکلوتے وارم اپ میچ میں نہیں کھلایا۔ یہ وارم اپ میچ سنیچر سے لاہور میں شروع ہونے والے پانچ میچوں کی سیریز سے پہلے کھیلا گیا۔ وکرم سولنکی نے چھبیس ، بلیک ویل پندرہ بنا رنز بنا کر ذوالقرنین کے ہاتھوں کیچ آؤٹ ہوئے۔ کبیر علی نے چار رنز بنائے اور افتخار انجم کی گیند پر رفعت اللہ نے ان کا کیچ لیا۔ پاکستان کی طرف سے اف،حار انجم اور طاہر خان نے دو دو اور ریاض آفریدی، یاسر عرفات اور عبدالرزاق نے ایک ایک وکٹ حاصل کیا۔ پاکستان اے: عبدارزاق، رفعت اللہ محمد، اشعر زیدی، یاسر حمید، بازید خان، فیسل اقبال، یاسر عرفات، عمران طاہر، ذوالقرنین حیدر، راؤ افتخار، طاہر افتخار، طاہر خان ریاض آفریدی۔ انگلینڈ: اے جے سٹراس (کپتان)، وی ایس سولنکی، آئی آر بیل، پی ڈی کولنگ وڈ، کے پی پیٹر سن، ایم جے پرائر، جی او جونز (وکٹ کیپر) آئی ڈی بلیک میل، ایک ای پلنکٹ، ایس ڈی اودل، کبیر علی، جے ایم اینڈرسن۔ |  اسی بارے میں  میچ کا پہلا دن بالروں کے نام06 November, 2005 | کھیل وارم اپ میچ، ورلڈ الیون کی فتح02 October, 2005 | کھیل میچ دلچسپ مرحلے میں 23 November, 2005 | کھیل پاکستان کے لیے میچ بچانا مشکل ہو گا13 November, 2005 | کھیل فیصل آباد: انگلینڈ نےمیچ بچا لیا24 November, 2005 | کھیل ون ڈے میچوں کیلیے ٹیم کا اعلان03 December, 2005 | کھیل وان ایک روزہ میچوں سے باہر06 December, 2005 | کھیل | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
