گیٹس فاؤنڈیشن کی جانب سے یہ اب تک کا سب سے خطیر عطیہ ہے

یہ رقم دنیا بھر میں ایڈز پر تحقیق کرنے والے سائنسدانوں کو 16 قسطوں میں دی جائے گی۔ اس کا مقصد یہ ہے کہ ایڈز کے وائرس سے لڑنے کے لیئے موثر ویکسین کی تیاری کے عمل کو تیز کیا جاسکے۔

عطیہ وصول کرنے والے تمام تحقیقات کاروں کو اپنی تحقیق شیئر کرنے کا وعدہ کرنا ہوگا تاکہ اس سلسلے میں تیز پیش رفت ممکن ہوسکے۔

ایک اندازے کے مطابق دنیا بھر میں 40 ملین سے زائد افراد ایڈز کے وائرس سے متاثر ہیں۔

ایچ آئی وی وائرس کی شناخت کے بعد گزشتہ پچیس سال کے دوران کئی قسم کی ویکسین تیار کی گئی ہے تاہم سائنسدان مزید موثر ویکسین تیار کرنے کی کوشش میں ہیں۔

گیٹس فاؤنڈیشن کے ایچ آئی وی پروگرام سے منسوب ڈاکٹر نکولس ہیلمین کا کہنا ہے کہ ماہرین کے لیئے ایڈز کی موثر ویکسین تیار کرنا ایک بہت بڑا چیلنج ثابت ہوا ہے اور اس سلسلے میں زیادہ پیش رفت ممکن نہیں ہوسکی ہے۔

عطیہ کی یہ خطیر رقم انیس ممالک کے 165 تحقیقات کاروں کو دی جائے گی۔

ڈکٹر ہیلمین کا کہنا ہے کہ یہ فاؤنڈیشن کا اب تک کا دیا گیا سب سے خطیر عطیہ ہے۔