زہر آلودہ پانی میں مری ہوئی مچھلیاں

چینی حکام کے مطابق دریا کے پانی میں کیمیائی مادے بینزین کی مقدار قابل قبول سطح سے 108 گنا زیادہ ہے۔

مقامی ذرائع ابلاغ میں شائع ہونے والی تصاویر میں دریائے سونگہوا میں مردہ مچھلیاں تیرتی ہوئی دیکھائی گئی ہیں۔

چونتیس لاکھ کی آبادی والے شہر ہربِن میں سکول اور کاروباری ادارے بند ہیں اور شہر سے جانے والوں کا اتنا رش ہے کہ ہوائی جہاز میں جگہ ملنا مشکل ہو گیا ہے۔

شہر کے پندرہ ہسپتالوں کو زہریلے پانی کا شکار ہونے والے ممکنہ مریضوں کے علاج کے لیے تیار رہنے کا حکم دیا گیا ہے۔

	صاف پانی جمع کیا جا رہا ہے

چین کی حکومت نے ابتدائی طور پر کہا تھا کہ پانی کی فراہمی چار روز بند رہے گی لیکن پانی فراہم کرنے والے ادارے کے ایک اہلکار نے بی بی سی کو بتایا کہ فراہمی بحال کرنے کے لیے کوئی تاریخ نہیں طے کی گئی۔

ہربِن سے شمال میں تیرہ نومبر کو ایک پیٹروکیمیکل فیکٹری میں دھماکہ ہوا تھا جس میں اطلاعات کے مطابق پانچ افراد ہلاک ہوئے تھے۔

چین کے شمالی ہمسایہ ملک روس کے ان شہروں میں بھی حکام کو چوکس رہنے کا حکم دیا گیا جن کو متاثرہ دریا سے پانی پہنچتا ہے۔