 |  امریکی خلائی ادارہ ناسا ڈسکوری کے اس سفر کے لیےایک ملین ڈالر کی رقم خرچ کرے گا |
خلائی شٹل ڈسکوری کیلیفورنیا کےایڈورڈس ائیر بیس سے فلوریڈا کے کینیڈی سپیس سینٹر پر پہنچ گئی ہے۔ شٹل کوخصوصی انتظامات کے ساتھ جمبو جیٹ جہاز بوئنگ سات سو سینتالیس کی پشت پرباندھ کر لایا گیا تھا۔ تین ہزار پانچ سواکیاون
کلومیٹر فاصلے پر مشتمل اس سفر کے لیے امریکی خلائی ادارہ ناسا ایک ملین ڈالر کی اخراجات اٹھائے ہیں۔ ڈسکوری کو اپنے سات عملے کے ہمراہ نو اگست کو خراب موسم کی وجہ سے سپیس سینٹر پر اترنے کی بجائے ایڈورڈس ائر بیس پر اترنا پڑا تھا۔ شٹل انٹرنیشنل خلائی سینٹر میں اپنا چودہ روز کا خلائی سفر مکمل کرکے زمین پر اتری تھی۔ اس کے زمین پر اترنے کے بعد اس کی مرمت کےکام کا آغاز کردیا گیا تھا۔ تکنیکی عملے نے اس کے سامنے کے حصے میں المونیم کا ایک ایسا حصہ بنیایا جس کے ذریعے اسے کچھنچنے میں آسانی ہو سکے۔ رات دن کام کرنے والے اس کے عملے نے آخر اسے سفر کے قابل بنا دیا۔ جمعہ کو ناسانے یہ اعلان کیا تھا کہ شٹل مارچ سے پہلے پرواز نہیں کرے گی۔ شٹل کو بیس پر اس لیےاتنا عرصہ رکنا پڑا کیوں کہ اس کے بیرونی ایندھن کے ٹینک سےفوم کا ایک ٹکڑا ٹوٹ گیا تھا۔ اس طرح کی ہی صورت حال کی وجہ سے دو ہزار تین میں کولمبیا زمین پراترتے وقت تباہ ہوگئی تھی اور اس میں سوار ساتوں خلانورد ہلاک ہوگئے تھے۔
| 
یہ صفحہ دوست کو ای میل کیجیئے
پرِنٹ کریں
