کولمبیا شٹل کے حادثے کے بعد ڈسکوری شٹل ڈھائی سال تک زمین پر کھڑی رہی

فروری سن دو ہزار تین میں کولمبیا نامی خلائی شٹل کے حادثے کے بعد یہ خلاء میں جانے والی پہلی شٹل ہوگی۔

خلائی شٹل کولمبیا اس وقت تباہ ہوئی تھی جب وہ اپنا مشن پورا کر کے دوبارہ زمین کی فضاء میں داخل ہو رہی تھی ۔ اس پر سوار سات خلا باز ہلاک ہوگئے تھے۔

اسی ہفتے ناسا کی نگرانی کرنے والے ایک پینل نے الزام لگایا ہے کہ خلائی ایجنسی نے شٹل کولمبیا کے حادثے کے بعد تحقیقاتی کمیٹی کی طرف سے دی گئی پندرہ سفارشات میں سے تین پر عمل نہیں کیا۔ لیکن ناسا کے منتظم مائیکل گرفن کا کہنا ہے کہ شٹل ڈسکوری پرواز کے لیے بالکل تیار ہے۔

ڈسکوری پر سات خلال باز سوار ہونگے جو بین الاقوامی خلائی سٹیشن کے لیے فاضل پرزے لے کر جا رہے ہیں۔