’ اب ہم سپر کمپیوٹروں کے ذریعے کائنات کی مصنوعی تخلعق اور تاریخ کو دہرا سکتے ہیں

ایک بین الاقوامی ٹیم کی جانب سے کئے جانے والا یہ تجربہ اس سمت میں اب تک کی سب سے بڑی کوشش ہے اور اس سے پتہ چلتا ہے کہ عربوں سالوں میں اس کائنات کا ڈھانچہ کس طرح تبدیل ہوا اور موجودہ شکل میں آیا۔

’ملینیم رن‘ نام کے اس تجربے سے اس سلسلے میں کی جانے والی مختلف تحقیقات پر مزید روشنی ڈالی جا سکتی ہے

اس تجربے کی تفصیلات سائنس میگزین نیچر میں سامنے آئی ہیں۔

درہم یونیورسٹی کے پروفیسر کارلوس فرینک کا کہنا ہے کہ اس کائنات اور انسانی تہذیب کے بارے میں ہمیں پچھلے دس سے بیس سالوں میں زیادہ معلومات حاصل ہوئی ہیں۔

انہوں نے بی بی سی کو بتایا ’ اب ہم سپر کمپیوٹروں کے ذریعے کائنات کی مصنوعی تخلعق اور تاریخ کو دہرا سکتے ہیں‘۔

سائینس دانوں نے اس بات کا مشاہدہ کیا کہ یہ کائنات کس طرح ایک پر اسرار مادے کے زیر اثر وجود میں آئی۔

کائناتی نظریہ کے مطابق بگ بینگ کے فوراً بعد ٹھنڈے اور گہرے مادے نے کائنات کا سب سے بڑا مادہ تخلیق کیا جو پھر اپنے ہی وزن سے ٹوٹ گیا اور بڑے بڑے دائروں کی شکل میں سامنے آیا۔

ان دائروں کی کشش نے کہکشاں کی تخلیق میں بہت بڑا کردار ادا کیا۔

پروفیسر فرینک کے مطابق اس تجربے کی سب سے انوکھی بات یہ ہے کہ یہ بہت تفصیل میں ہے اور ہم سپر کمپیوٹر کے ذریعےکائنات کے ڈھانچے کی مصنوعی طور پر دوبارہ تخلیق کر سکتے ہیں

اس تجربے کے نتائج اور اس سلسلے میں سائنس دانوں کے مشاہدوں کے موازنہ سےکائنات کے کئی پر اسرار پہلؤں پر روشنی پڑی ہے۔