اب ’گوگل سکالر‘

’گوگل سکالر‘ نامی اس نئی سہولت سے تحقیقی مقالے، کتاببیں اور تعلیمی اداروں کی ویب سائٹ پر موجود مواد تک آسانی سے رسائی حاصل کی جاسکے گی۔ اس مفت سروس میں فزکس سے لے کر کمپیوٹر سائینس تک مختلف مضامین کا احاطہ کیا گیا ہے۔

اگرچےکئی تعلیمی اداروں کے ریسرچ پیپر وغیرہ انٹرنیٹ پر موجود ہیں لیکن اب تک ایسے کئی تحقیقی مسودے ہیں جن تک لوگوں کی رسائی عام سرچ انجن کے ذریعے ممکن نہیں۔

گوگل کی اس سروس لانچ کرنے کی تیاری میں اسے مختلف تعلیمی اداروں کے تعاون حاصل ہوا جنہوں نے بہت سا ایسا مواد جس تک پہلے مخصوص رسائی تھی، اسے اس سرچ انجن کے ذریعے عام کرنے میں مدد کی۔ تاہم ابھی بھی ایسی کچھ ویب سائٹس ہیں جن پر موجود مواد کے لئے ادائیگی کرنا ضروری ہے۔

گوگل کی اس نئی سروس سے محقیقین کے ساتھ ساتھ سٹوڈنٹس کو بھی بہت مدد ملے گی اور اس سے ان حلقوں میں انٹرنیٹ کے استعمال کی مزید حوصلہ افزائی ہوگی۔