ساڑھے تین سو طالبان جنگجو جیل سے فرار ہو گئے

قندھار شہر کے قریبی شہروں میں رہنے والے لوگوں اور حکام کا کہنا ہے کہ گزشتہ دنوں ضلع ارغنداب سے سینکڑوں خاندانوں نے نقل مکانی کی ہے۔

جمعہ کو شہر کی جیل سے ساڑھے تین سو طالبان جنگجو فرار ہو گئے تھے۔

افغان اور نیٹو حکام کا کہنا ہے کہ باغیوں کی جانب سے کسی بھی مملکنہ خطرے کے پیش نظر فوجی نفری کو مزید بڑھایا جا رہا ہے۔

ابھی یہ بات واضح نہیں ہے کہ جیل سے فرار ہونے والے طالبان جنگجو بھی پیر کے روز دیہاتوں پر قبضہ کرنے والے طالبان میں شامل ہیں یا نہیں۔

افغان حکام کا کہنا ہے کہ تین سو فوجی منگل کو منگل قندھار پہنچ جائیں گے جب کے کچھ اس پہلے پیر کو ہی قندھار پہنچ چکے ہیں۔

عینی شاہدوں نے بی بی سی کو بتایا ہے کہ ضلع ارغنداب میں نیٹو اور افغان فوجیوں کا اجتماع ہو رہا ہے۔

افغان وزارتِ دفاع کے ترجمان جنرل ظاہر عظیمی نے بی بی سی کو بتایا ہے

لوگوں کو جانے کا مشورہ  نیٹو ہیلی کاپٹر دیہاتوں پر ایسے اشتہار گرا رہے ہیں جن میں لوگوں سے کہا جا رہا ہے کہ وہ آپریشن سے پہلے علاقے سے چلے جائیں جنرل ظاہر عظیمی

ان کا کہنا ہے کہ ’اس کے علاوہ انہوں کچھ پل بھی اڑا دیے ہیں لیکن ہم انہیں ہر جگہ تلاش کر رہے ہیں‘۔

اطلاعات کے مطابق نیٹو ہیلی کاپٹر دیہاتوں پر ایسے اشتہار گرا رہے ہیں جن میں لوگوں سے کہا جا رہا ہے کہ وہ آپریشن سے پہلے علاقے سے چلے جائیں۔