افغانستان میں اتحادی افواج کو شدید طالبان مزاحمت کا سامنا ہے

محکمہ دفاع کا کہنا ہے کہ اس حملے میں تین فوجیوں کی ہلاکت کے ساتھ افغانستان میں سنہ دوہزار کے امریکی حملے کے بعد اب تک ہلاک ہونے والے برطانوی فوجیوں کی تعداد سو ہوگئی ہے۔

ان سو فوجیوں میں سے چوہتر مختلف حملوں میں ہلاک ہوئے جبکہ سولہ کی ہلاکت کسی بیماری یا حادثے کے نتیجے میں ہوئی۔

ڈیفنس سیکرٹری ڈیس براون کا کہنا ہے کہ ان کی ہمدردیاں ہلاک ہونے والے سو باہمت فوجیوں کے رشتہ داروں کے ساتھ ہیں۔

ہماری تمام افواج ایک سخت اور مشکل جنگ لڑ رہی ہیں اور انہیں بین الاقوامی سطح پر ہرممکن امداد کی ضرورت ہے پیٹرک مرسر

صوبہ ہلمند میں برطانوی فوج کے کمانڈر بریگیڈئیر مارک سمتھ کہ یہ فوجی پیدل گشت پر تھے اور اپنے اڈے کی طرف واپسی پر ایک خود کش بمبار نے ان پر حملہ کردیا۔

اطلاعات کے مطابق اس خود کش حملہ آور نے اپنے سینے سے بارود کی پٹی باندھی ہوئی تھی اور فوجیوں کے قریب جا کر بارود کو دھماکے سے اڑا دیا۔

مسٹر براؤن نے سنہ دوہزار ایک کے بعد افعانستان میں ہلاک والے برطانوی فوجیوں کو خراج عقیدت پیش کرتے ہوئے کہا کہ ’ ان فوجیوں نےاپنی جانوں کا نظرانہ نہ صرف افغانستان کے لوگوں کی آزادی اور استحکام کے لیے بلکہ ہم سب کے لیے دیا جیسا کہ گیارہ ستمبر کے افسوسناک واقعات سے ظاہر ہوتا ہے۔ ہم انہیں کبھی نہیں بھلا پائیں گے۔،

کنزرویٹیو پارٹی کے وزیر اور برطانوی فوج کے سابقہ کمانڈنگ افیسر پیٹرک مرسر نے بی بی سی کو بتایا کہ اب وہ وقت آگیا ہے کہ نیٹو کے ممبر ممالک جنوبی افغانستان میں آپریشن کے لیے مزید فوجی بھیجے۔

ان کا کہنا تھا کہ ’ہماری تمام افواج ایک سخت اور مشکل جنگ لڑ رہی ہیں اور انہیں بین الاقوامی سطح پر ہرممکن امداد کی ضرورت ہے۔،