 | | | ہیلری کلنٹن نے گزشتہ ہفتے خراب کارکردگی کے بعد اپنی انتخابی مہم کے مینیجر کو تبدیل کر دیا ہے |
امریکہ میں صدارتی انتخاب کی نامزدگی حاصل کرنے کی دوڑ میں آج منگل کو دارالحکومت واشنگٹن کے علاوہ ورجنیا اور میری لینڈ میں ووٹنگ ہو رہی ہے۔ نامہ نگاروں کا کہنا ہے کہ میری لینڈ میں ہمیشہ سیاہ فاموں کو منتخب کیا جاتا رہا ہے لہذا اس تناظر میں شاید ڈیموکریٹ پارٹی کے باراک اوبامہ کو اس ریاست میں فائدہ پہنچے۔ اب تک ہیلری کلنٹن نے 12 ریاستوں میں فتح حاصل کی ہے اور ان کے حمایتی مندوبین کی تعداد 1147 ہے جبکہ باراک اوبامہ 19 ریاستوں میں کامیاب رہے ہیں اور ان کے مندوبین کی تعداد 1124 ہے۔ | کس کی کتنی ریاستیں، کتنے مندوب اب تک ہیلری کلنٹن نے 12 ریاستوں میں فتح حاصل کی ہے اور ان کے حمایتی مندوبین کی تعداد 1147 ہے جبکہ باراک اوبامہ 19 ریاستوں میں کامیاب رہے ہیں اور ان کے مندوبین کی تعداد 1124 ہے۔ |
اوبامہ کے مقابلے میں ڈیموکریٹ پارٹی ہی کی امیدوار ہیلری کلنٹن کی یہ کوشش ہوگی کہ وہ ریاست ٹیکساس اور اوہایو میں مارچ میں ہونے والے پرائمری انتخابات میں زیادہ سے زیادہ مندوبین کی حمایت حاصل کرنے میں کامیاب ہو جائیں۔ ڈیموکریٹ پارٹی کے مقابلے میں ریپبلیکن پارٹی کے جان میکین ہیں جو اپنی پارٹی میں صدارتی نامزدگی کی دوڑ میں اپنی سبقت کو مستحکم کرنے کی کوشش کر رہے ہیں۔ اختتامِ ہفتہ پر انہیں دو مرتبہ شکست کا سامنا کرنا پڑا ہے۔ رائے عامہ کے جائزے ظاہر کرتے ہیں کہ میکین کو مائیک ہکابی پر برتری حاصل ہے۔ مائیک نے سنیچر کو کینساس اور لوئیزیانا میں فتح حاصل کی تھی۔ نامہ نگار کہتے ہیں کہ میکین کو ابھی اپنی پارٹی کو متحد کرنے کے لیے مزید کام کرنا پڑے گا۔ ان کی جماعت کے اپنے لوگ قدامت پرستی کے تناظر میں ان پر تنقید کر رہے ہیں۔ ہکابی پر دباؤ ہے کہ وہ پارٹی کے اتحاد کے لیے میکین کے لیے راستہ چھوڑ دیں مگر ان کا کہنا ہے کہ وہ ایسا ارادہ نہیں رکھتے۔ ورجنیا میں مقامی وقت کے مطابق صبح چھ بجے ووٹنگ کا آغاز ہوا جبکہ میری لینڈ اور کولمبیا کے ضلع میں ایک گھنٹے بعد پولنگ شروع ہوئی۔ | | | باراک اوبامہ کو اب تک ہیلری کلٹن پر ذرا سی سبقت حاصل ہے |
ڈیموکریٹ پارٹی کا جو بھی امیدوار دو ہزار پچیس مندوبین کی حمایت حاصل کر لے گا، اس کی صدارتی نامزدگی کی توثیق اگست کے مہینے میں ہونے والے کنوینشن میں ہونے کا امکان ہے۔ ورجنیا میں 83 مندوبین ہیں جبکہ میری لینڈ میں 70 اور کولمبیا کے ضلع میں 15 مندوبین ہیں۔ باراک اوبامہ کو رائے عامہ کے جائزوں میں اپنی حریف ہیلری کلنٹن پر کچھ سبقت حاصل ہے۔ ادھر مسز کلنٹن نے گزشتہ ہفتے کی ناکامی کے بعد اپنی انتخابی مہم کے مینیجر کو تبدیل کر دیا ہے۔ | 
الاباما فائرنگ میں دس ہلاک
