بیورو رپورٹ بی بی سی اردو ڈاٹ کام، اسلام آباد

	حکومت پاکستان نگران کی جگہ غیر جانبدار حکومت کی تشکیل دے۔ فائل فوٹو

انہوں نے سابق وزر اعظم بینظیر بھٹو اور دیگر افراد کی ہلاکت پر ان کے اہل و عیال اور پاکستان کے عوام سے تعزیت بھی کی۔

انہوں نے حکومت پاکستان سے مطالبہ کیا کہ اس واقع میں ملوث افراد کو پکڑا جائے اور تحقیقاتی ٹیموں کو آزادانہ طور پر تحقیقات کرنے دی جائیں اور غیر جانبدار تحقیقات کی حمایت اور مدد کریں۔

انہوں نے مطالبہ کیا کہ حکومت پاکستان اٹھارہ فروری کو ہونے والے انتخابات کو آزادانہ اور منصفانہ بنائے اور غیر جانبدار انتخابی مبصرین کو نگرانی کی اجازت دی جائے۔

انہوں نے الیکشن کمیشن آف پاکستان سے یہ بھی مطالبہ کیا کہ انتخابی عمل کی نگرانی کرنے والی ٹیموں پر، بشمول ایگزٹ پول کے، عائد پابندیاں ختم کی جائیں۔

انہوں نے صدر پاکستان سے مطالبہ کیا کہ جانبدار وفاق اور صوبائی نگراں حکومت اور ضلعی حکومتوں کی جگہ ایسی حکومت کی تشکیل کی جائے جو کہ تمام سیاسی جماعتوں کو منظور ہو۔

انہوں نے حکومت پاکستان سے مطالبہ کیا کہ تمام سینیئر سیاستدانوں کے لیے بلٹ پروف گاڑیاں، جیمرز اور سکیورٹی فراہم کرے۔

انہوں نے یہ بھی مطالبہ کیا ہے کہ تمام زیر حراست افراد کو رہا کیا جائے اور عبوری آئین کے تحت حلف نہ اٹھانے والے ججز کی بھی نظر بندی ختم کی جائے۔

ان کا یہ بھی مطالبہ ہے کہ خود مختار عدلیہ قائم کی جائے اور میڈیا پر عائد پابندیاں بھی ختم کی جائیں۔