پولینڈ میں بھی سی آئی اے کی خفیہ پروازیں اترتی رہی ہیں

سوئٹزر لینڈ کے سینیٹر ڈک مارٹی یورپ کے انسانی گروہوں کی طرف سے سی آئی اے کی خفیہ کارروائیوں کی تحقیقات کرتے رہے ہیں۔

مارٹی نے اپنی رپورٹ نے کہا ہے کہ یورپ اور خاص طور پر رومانیہ اور پولینڈ میں سن دو ہزار تین اور سن دو ہزار پانچ تک سی آئی اے کے خفیہ قید خانے موجود نہیں تھے۔

ان دونوں ملکوں کی حکومت نے اس طرح کی کارروائیوں میں ملوث ہونے کے الزامات کی تردید کی ہے۔

انہوں نے کہا کہ بہت سے یورپی ملکوں نے قومی مفاد کے نام پر ان کی طرف سے کی جانے والی تحقیقات میں روڑے اٹکانے شروع کر دیئے۔

یہ رپورٹ ایک ایسے مرحلے میں سامنے آئی ہے جب اٹلی میں سی آئی اے کی ان کارروائیوں پر مقدمہ شروع کیا جا رہا ہے۔ اس مقدمے میں سی آئی اے کے پچیس اہلکار اور امریکی فضائیہ کے ایک کرنل پر ان کی عدم موجودگی میں مقدمہ چلایا جا رہا ہے۔