کیون کیلمز امریکی وزارتِ دفاع میں کام کر چکے ہیں

عالمی بینک کے صدر کے معاون کیون کیلمز نے اپنا استعفی پیش کرتے ہوئے کہا کہ بینک کو جس صورت حال کا سامنا ہے اس میں ان کے لیے بینک کے مشن کو جاری رکھنا ممکن نہیں رہا۔

انہوں نے کہا کہ بینک کی موجودہ قیادت نے بینک کے مشن کو جاری رکھنا مشکل بنا دیا ہے۔

پال وولفووٹز سے اپنی ایک دوست کو ترقی دینے اور اس کی تنخواہ میں اضافہ کرنے پر مستعفی ہونے کا مطالبہ کیا جا رہا ہے۔

کیون کیلمز عالمی بینک میں نوکری کرنے سے پہلے پال وولفووٹز کے ساتھ امریکی وزارتِ دفاع میں کام کر چکے ہیں۔ ان کی عالمی بینک میں تعیناتی پر بھی بینک کے عملے کی طرف سے اعتراض کیا گیا تھا اور پال وولفووٹز پر اپنے ساتھیوں کو بینک میں جمع کرنے کا الزام عائد کیا گیا تھا۔