اب تک عراق میں 3200 سے زائد امریکی فوجی مارے جا چکے ہیں

یہ دھماکہ شہر کے مشرقی حصے میں ہوا اور اس میں دو فوجی زخمی بھی ہوئے ہیں۔

فوجی حکام کے مطابق دھماکے کا نشانہ بننے والی فوجی گاڑی ایک قافلے کا حصہ تھی جو تلاشی کے آپریشن میں حصہ لے کر لوٹ رہا تھا۔

امریکی فوج کی جانب سے جاری کردہ مختصر بیان میں کہا گیا ہے’ پہلا دھماکہ قافلے کی گاڑیوں کے نزدیک ہوا جس کے تھوڑے عرصے بعد ایک اور دھماکہ ہوا جس میں چار فوجی ہلاک اور دو زخمی ہو گئے‘۔

مارچ سنہ 2003 کے بعد سے اب تک عراق میں 3200 سے زائد امریکی فوجی مارے جا چکے ہیں۔

علاوہ ازیں بغداد میں ہی ایک خود کش حملے اور ایک دیگر بم دھماکے میں آٹھ عراقی پولیس اہلکاروں سمیت بارہ افراد ہلاک اور پچیس زخمی بھی ہوئے ہیں۔ خود کش حملہ کرادا ڈسٹرکٹ میں ایک حفاظتی چوکی پر ہوا جبکہ کار بم اسکندریہ کے علاقے میں پھٹا۔