جنگ زدہ شہر گروزنی آہستہ آہستہ زندگی کی طرف لوٹ رہا ہے

مسٹر ہیمر برگ چیچنیا کےتین روزہ دورے پر ہیں اور ان کا کہنا ہے کہ اس دوران انہوں نے انسانی حقوق کی خلاف ورزیوں کے شواہد دیکھے ہیں۔

مسٹر ہیمر برگ کے ہمراہ بی بی سی کے نامہ نگار روپرٹ ونگ فیلڈ ہیز بھی ہیں جن کا کہنا ہے کہ چیچنیا میں گھومنے سے اب یہ تاثر ملتا ہے کہ وہاں گزشتہ ایک دہائی سے جاری جنگ بالآخر ختم ہوگئی ہے۔ ہر طرف تعمیر کا کام جاری ہے۔ چند سال پہلے دارالحکومت گروزنی کھنڈروں میں تبدیل ہوگیا تھا لیکن آج وہاں زندگی رواں دواں ہے اور بڑے پیمانے پر تعمیراتی سرگرمیاں جاری ہیں۔

	قیدیوں کو پکڑ کر ان سے زبردستی اقبالِ جرم کروایا جاتا ہے

ہیمر برگ کہتے ہیں کہ ’وسیع پیمانے پر لوگوں کے ساتھ زیادتی ہو رہی ہے اور اور جن لوگوں کو گرفتار کیا گیا ہے ان میں سے بہت سوں کو ایزیتیں پہنچائی گئی ہیں۔ میری ایک سفارش یہی ہوگی کہ اسے فوراً ختم ہونا چاہیے۔‘

مسٹر ہیمرگ نے یہ بھی کہا کہ جتنے بھی قیدیوں سے انہوں نے بات کی ان میں سے ہر ایک نے زیادتی کی شکایت کی۔ کسی کے ساتھ مار پیٹ کی گئی تو کسی کو بجلی کے شاک دیے گئے تاکہ وہ تنگ آ کر اقبالی بیان دے دیں۔

ان کا کہنا ہے کہ ایک شخص کو تو اتنی دیر دو زانوں بٹھایا گیا کہ اس کی ایک ٹانگ مستقبل طور پر فالج کا شکار ہو گئی ہے۔