 | | | بھوک اور کم غذائیت سے بچوں کا اتنی بڑی تعداد میں مرنا اس وقت دنیا کا سنگین ترین سانحہ ہے |
اقوامِ متحدہ کے پروگرام برائے خوراک کے سربراہ کے مطابق 18 ہزار بچے روزانہ بھوک اور کم غذائیت سے مر رہے ہیں۔ ان کا کہنا ہے کہ اس وقت یہ دنیا کا سنگین ترین سانحہ ہے۔ جیمز مورس نے جو اپریل میں اس پروگرام کی سربراہی سے سبکدوش ہو رہے ہیں کہا ہے کہ دنیا میں افلاس کے چکر کو روکنے کا سب سے طاقتور طریقہ یہ ہے کہ بھوک سے نمٹنے کے مسائل سے نمٹنے کے اقدامات کیے جائیں۔ انہوں نے بتایا کہ اس وقت دنیا میں کم غذائیت کا نشانہ بننے والے بچوں کی سب سے بڑی تعداد کا تعلق انڈیا سے ہے اور یہ تعداد ایک سو ملین سے بھی زائد ہے۔ جیمز مورس کے مطابق اس بعد جس ملک کا نام آتا ہے وہ چین ہے جہاں ایسے بچوں کی تعداد چالیس ملین ہے۔ انہوں نے کہا ہے کہ یہ دونوں ملک اس مسئلے سے نمٹنے کے لیے نمایاں پیش رفت کر رہے ہیں لیکن اس کے باوجود ابھی بہت کچھ اور کرنے کی ضرورت ہے۔ جیمز مورس نے بتایا کہ اس سلسلے میں اس وقت اقوام متحدہ کا سب سے بڑا آپریشن سوڈان کے فساد زدہ علاقے دارفر میں جاری ہے جہاں ڈھائی ملین سے زائد لوگ جنگ کے باعث اپنے گھر بار چھوڑ کر کیمپوں میں زندگیاں بسر کر رہے ہیں۔ انہوں بتایا کہ ان لوگوں کو خوراک فراہم کرنے کی ذمہ داری اقوام متحدہ پوری کر رہی ہے لیکن کوئی دن نہیں جاتا کہ حوراک لے جانے والے اقوام متحدہ کے قافلوں پر حملہ نہ ہوتا ہو۔ | 
الاباما فائرنگ میں دس ہلاک
