مبینہ دھمکی ’صوت الجہاد‘ نامی ایک ویب سائٹ پر شائع ہوئی ہے

وینزویلا کی حکومت نے بھی کہا ہے کہ اس کی سیکورٹی ایجنسیاں بھی ان اطلاعات کی تفتیش کر رہی ہیں تا کہ ملک کی تیل کی صنعت کی حفاظت کو یقینی بنایا جائے۔

القاعدہ کی طرف سے مذکورہ مبینہ دھمکی ’صوت الجہاد‘ نامی ایک ویب سائٹ پر شائع ہوئی ہے۔ ماضی میں اس ویب سائٹ کو سعودی عرب میں موجود القاعدہ سے منسلک مسلمان عسکریت پسند استعمال کرتے رہے ہیں۔

میکسیکو اور وینزویلا کے علاوہ کینیڈین حکام نے بھی کہا ہے کہ وہ اس دھمکی کی تفتیش کر رہے ہیں۔

میکسیکو، سعودی عرب اور وینزویلا کے بعد کینیڈا امریکہ کو تیل فروخت کرنے والا سب سے بڑا ملک ہے۔