بنان پر حملے کے حوالے سے یہود اولمرت نکتہ چینی ہوتی رہی ہے

جنگ کے متعلق یہ کمیشن آئندہ چند ہفتوں میں اپنی رپورٹ پیش کرےگا اور رپورٹ اسرائیلی وزیراعظم کے سیاسی مستقبل کے لیے خاصی اہم ہے۔

گزشتہ موسم سرما میں لبنان پر پڑوسی ملک اسرائیل کا حملہ تو پوری دنیا کی نظروں کے سامنے ہواتھا لیکن اسرائیل میں اِس حملے کی تفتیش کرنے والے ونگوگراڈ کمیشن کی کاروائی بند دروازوں کے پیچھے ہورہی ہے۔

دو اسرائیلی فوجیوں کے حزب اللہ کے ہاتھوں پکڑے جانے کے بعد لبنان پر حملے کے فیصلے کے حوالے سے یہود اولمرت اور انکی حکومت پر شدید نکتہ چینی ہوتی رہی ہے۔ کئی اسرائیلی فوجیوں نے الزام لگایا ہے کہ وہ میدان جنگ میں جانے کے لیے پوری طرح لیس نہ تھے۔

لبنان پر حملے کے لیے حکومت کی جانب سے کیے جانے والے انتظامات پر بھی ملک میں کئی طرح کی باتیں ہوئی ہیں اور جنگ ختم ہونے سے ذرا پہلے بڑے پیمانے پر بری فوج کی پیش قدمی کے فیصلے پر بھی کئی سوال اٹھے ہیں۔

کئی سلسلہ وار فوجی انکوائریوں کے بعد اسرائیلی فوج کے سربراہ جنرل ڈین ہالوٹز نے استفی دینے کا اعلان بھی کیا ہے۔

اس انکوائری کے نتائج اسرائیلی وزیر اعظم کے سیاسی مستقبل کے لیے خاصے اہم سمجھے جارہے ہیں۔ اسرائیلی وزیر اعظم اس کمیشن کے سامنے تقریبا ستر افراد کی گواہیوں کے بعد سب سے آخر میں شہادت دینے والے ہیں۔