 | | | آیت اللہ حسین علی منتظری کا کہنا ہے کہ ایرانی حکومت اپنے دشمن کو اکسانے کا کام کر رہی ہے |
ایران کے منحرف مذہبی رہنما آیت اللہ العظمٰی حسین علی منتظری نے صدر احمدی نژاد کی ایٹمی اور اقتصادی پالیسی پرکڑی تنقید کی ہے۔ پچاسی سالہ آیت اللہ منتظری ایک زمانہ میں ایران کے سب سے بڑے مذہبی رہنما آیت اللہ خمینی کے بعد دوسرے بڑے رہنما کے طور پر سامنے آئے تھے۔ لیکن آیت اللہ خمینی سے اختلافات آیت اللہ منتظری کئی برسوں تک نظر بند رہے۔ اپنے ایک تحریری بیان میں انہوں نے کہا کہ جوہری توانائی حاصل کرنا ایران کا حق ہے، لیکن انہوں نے اس معاملے میں ایرانی حکومت کے لائحہ عمل پر سوال اٹھایا ہے۔ انہوں نے کہا کہ اس معاملے میں حکومت کا موجودہ رویہ دشمن کو اکسانے کے مترداف ہے۔انہوں نے کہا کہ حکومت کو اس معاملہ میں مصالحتی رویہ اپنانا چاہیے۔ انہوں نے کہا کہ لوگ ایٹمی حقوق کے بارے میں تو شور مچا رہے ہیں لیکن کیا ہمارے اور کوئی اور حقوق نہیں؟ آیت اللہ العظمٰی نے صدرمحمود احمدی نژاد کی اقتصادی پالیسی کو بھی نشانہ بنایا۔ ا نہوں نے کہا کہ کچھ لوگ کہہ رہے ہیں کہ ایران میں افراط زر کی شرح صرف 13 فیصد ہے لیکن یہ بات سب کو معلوم ہے کہ ایران میں مکان کی قیمتوں میں 50 فیصد کا اضافہ ہوا ہے۔ انہوں نے اس حوالے سے بھی حکومت پر تنقید کی کہ وہ غیر ملکی سفر پر بے پناہ پیسے خرچ کر رہی ہے۔انہوں نے حماس کو امداد دیے جانے پر بھی اعتراض کیا۔ | 
الاباما فائرنگ میں دس ہلاک
