مشتبہ طالبان نے حملے میں پولیس سربراہ کو اغواء کر لیا ہے (فائل فوٹو)

اغواء کا یہ واقعہ ملک کے نسبتًا پرامن مغربی صوبے میں پیش آیا ہے۔ حکام کا کہنا ہے کہ درجنوں مشتبہ افراد نے خاکی سفید ضلع کے پولیس ہیڈ کوارٹر پر حملہ کردیا اور ایک گھنٹے تک اس پر قبضے کے بعد آگ لگا دی اور پولیس اہلکاروں کو اپنے ساتھ لے گئے۔ تاہم اس واقعے میں کسی جانی تقصان کی کوئی اطلاع نہیں ملی ہے۔

افغانستان کے جنوبی اور مشرقی صوبے کے برخلاف فرح اور دوسرے مغربی صوبوں میں امن وامان کی صورت حال اتنی خراب نہیں ہے اور وہاں حالات پرسکون ہیں جبکہ جنوبی اور مشرقی صوبوں میں افغان اور غیر ملکی فوجیں گزشتہ سال سے مزاحمت کاروں کے خلاف شدید لڑائی میں مصروف ہیں۔

اس سے قبل افغانستان کے مشرقی حصے میں سینکڑوں افراد نے اتوار کو امریکی فوج کے ہاتھوں جلال آباد کے جنوبی گاؤں میں دو افغان شہریوں کی مبینہ ہلاکت کے خلاف مظاہرہ کیا تھا۔ مظاہرین کا کہنا تھا کہ ہلاک ہونے والے افراد عام شہری تھے جنہیں امریکی فوج نے اتوار کو علیٰ الصبح ان کے گھروں پر چھاپے کے دوران گولی مار کر ہلاک کیا ہے۔

امریکی فوج کے ترجمان کے مطابق انہیں اس قسم کے کسی واقعے کے بارے میں کوئی اطلاع نہیں ہے۔