امریکی فوج نے دو ایرانی سفارتکاروں کو بھی گرفتار کیا تھا لیکن انہیں بعد میں رہا کر دیا گیا تھا

خبر رساں ادارے اے ایف پی کے مطابق صدر طالبانی اپنے ’مہمانوں‘ کی حراست پر خوش نہیں ہیں۔

اس سے قبل نیویارک ٹائمز نے خبر دی تھی کہ عراق میں امریکی فوج نے کم از کم چار ایرانیوں کو عراقی فوجیوں کے خلاف حملوں کی منصوبہ بندی کے شبہے میں گرفتار کیا ہے۔

واشنگٹن میں امریکی نیشنل سکیورٹی کونسل کے ایک ترجمان نے اخبار کو بتایا کہ گزشتہ ہفتے ابتدائی چھاپوں کے دوران گرفتار ہونے والوں میں ایران کے دو سفارت کار بھی شامل ہیں۔ تاہم ان سفارت کاروں کو بعد میں رہا کر دیا گیا تھا۔