موسی قلعہ کے علاقے میں نیٹو نےمقامی قبائل کے ساتھ ایک معاہدہ بھی کیا ہے

نیٹو کی طرف سے جاری کیئے گئے ایک بیان میں کہا گیا کہ اس کارروائی میں سات یا آٹھ طالبان ہلاک ہوئے تھے۔

جنوبی افغانستان کے علاقے ہلمند کے موسیٰ قلعہ میں ہونے والی اس کارروائی میں
ڈینش فوجیوں نے شرکت کی تھی جو جنوبی افغانستان میں برطانوی افواج کی معاونت کر رہے ہیں۔

کابل میں موجود بی بی سی کے نامہ نگار الیسٹر لیتھ ہیڈ کا کہنا ہے کہ اس سال افغانستان میں تشدد کے واقعات میں واضح طور پر اضافہ ہوا ہے۔ ان کے مطابق تشدد کے ان واقعات میں ہونے والی ہلاکتوں کے بارے میں صحیح تعداد کا تعین کرنا انتہائی مشکل ہے۔

خودکش حملوں، فضائی حملوں اور نیٹو اور طالبان کے درمیان مسلح جھڑپوں سممیت تشدد کے ان واقعات میں ہزاروں افراد ہلاک ہوئے ہیں جن میں شہریوں کی بہت بڑی تعداد شامل ہے۔