صدر حسنی مبارک پہلے عرب رہنما جنہوں نے صدام حسین کی سزائے موت کے فیصلے پر بیان دیا ہو

صدر مبارک کا یہ بیان مصری اخبارات میں شائع ہوا ہے اور یہ صدام حسین کے سزائے موت کے فیصلے پر کسی عرب رہنما کا پہلا بیان ہے۔

مصری صدر کا کہنا ہے کہ اگر صدام حسین کو پھانسی دے دی جاتی ہے تو اس سے محض اور خون خرابہ ہوگا اور فرقہ وارانہ اور نسلی فسادات اور اختلافات میں اضافہ ہوگا۔

صدر مبارک کے مطابق اگر صدام حسین کی موت کی سزا پر عمل درآمد کیا گیا تو ’عراق خون کا دریا بن جائے گا۔‘

صدر حسنی مبارک برسوں سے صدام حسین کے مخالف رہے ہیں اور ان پر تنقید کرتے رہے ہیں لیکن اس کے باوجود وہ صدام حسین کو پھانسی دینے کے حق میں نہیں ہیں۔

سابق عراقی صدر صدام حسین کو عراقی عدالت نے پانچ نومبر کو سزائے موت سنائی تھی۔ اس کے کچھ روز بعد عراقی وزیر اعظم نور الملکی نے کہا تھا کہ صدام حسین کو اگلے دو ماہ کے اندر پھانسی دے دی جائے گی۔