اس وین پر ہوئے حملہ کے نتیجہ میں ایک شدت پسند ہلاک اور دو زخمی ہو گئے

گزشتہ بدھ سے اب تک کےحملوں میں ہلاک ہونے والوں کی تعداد 39 ہوگئی ہے۔ خبروں کے مطابق ہلاک ہونے والوں میں حماس کے ایک سرکردہ رہنما بھی شامل ہیں۔

اسرائیلی فوج کے ترجمان کا کہنا ہے کہ جمعے کی رات کے بعد سے اب تک بیت ہانون، بیت الدہیہ، جبالیہ اور رفا میں حملے کیئے گئے۔ بیت ہانون کے عوام کا کہنا ہے کہ اسرائیلی حملے کے بعد شہر میں کرفیو جیسا نظارہ ہے۔

اس دوران ایک وین پر کیے گئے حملے میں ایک شدت پسند ہلاک جبکہ دو شدید طور پر زخمی ہو گئے ہیں۔

	کچھ خواتین نے اس مسجد میں چھپے مزاحمت کاروں کو عورتوں کا لباس پہناکر باہر نکالاگیا

ایک ترجمان نے خبر رساں ادارہ اے پی کو بتایا کہ فوج ان علاقوں کے گھروں میں گھوم گھوم کر لوگوں کی تلاش کر رہی ہے اور اس کے بعد وہ گھروں کی چھتوں پر چڑھ کر مورچہ سنبھال رہی ہے۔

جمعہ کو ایک مسجد میں چھپے حماس چھاپہ ماروں اور اسرائیلی فوج کے درمیان تصادم ڈرامائی شکل اختیار کر گیا۔ اس درمیان فلسطینی خواتین نے مسجد میں روپوش انتہا پسندوں کو عورتوں کا لباس دیا جس سے وہ ہاں سے نکلنے کامیاب ہو گئے۔

ایک خاتون ناحد ابو ہاربیا نے بی بی سی عربی سروس کو بتایا کہ ’ ہم لوگ مسجد میں داخل ہو گئے اور مزاحمت کاروں کو خواتین کا لباس پہنا کر انہیں نکالنے میں کامیاب رہے۔‘

فوج ان علاقوں کے گھروں میں گھوم گھوم کر لوگوں کی تلاش کر رہی ہے اور اس کے بعد وہ گھروں کی چھتوں پر چڑھ کر مورچہ سمبھال رہی ہے۔

سنیچر کو فوج نے کہا کہ اس نے ایک مسجد کے قریب واقع تین گھروں کو تباہ کردیا ہے جس میں گولہ بارود رکھے ہوئے تھے۔

بی بی سی کے مشرق وسطیٰ کے تجزیہ کار راجرہارڈی کا کہنا ہے کہ اسرائیل کے اس حملہ کا فوری مقصد اسرائیل پر راکٹ حملوں کو روکنا ہے لیکن اس کے ساتھ ہی وہ حماس پر فیصلہ کن حملہ کرنا چاہتا ہے۔

گزشتہ جون سے جب حماس نے ایک اسرائیلی فوجی کو اغوا کرلیا تھا تب سے اب تک اسرائیلی حملے میں کم از کم تین سو فلسطینی ہلاک ہو چکے ہیں۔