اسرائیل نے پارلیمان کے سپیکر عزیز الدویک کو بھی حراست میں لیا ہے

پارلیمان کے رکن فضل ہمدان کو رملہ میں اتوار اور پیر کی درمیانی رات ان کے گھر سے حراست میں لیا گیا۔ اسرائیل نے یہ نہیں بتایا ہے کہ اس نے فضل ہمدان کو حراست میں کیوں لیا ہے۔

اس سے ایک دن قبل اسرائیلی فوج نے ایسی ہی ایک کارروائی کرکے فلسطینی پارلیمان کے سپیکر عزیز الدویک کو حراست میں لے لیا تھا۔ عزیز الدویک کا تعلق بھی فلسطینی تحریک حماس سے ہے۔

اسرائیل نے گزشتہ چھ ہفتوں کے دوران فلسطینی پارلیمان کے تیس اراکین کو ایسی ہی کارروائیوں کے ذریعے حراست میں لیا ہے۔ فلسطینی حکام نے بین الاقوامی برادری سے اپیلیں کی ہے کہ اراکین پارلیمان کی رہائی کے لیے کوشش کرے۔

تیس ایم پی اسرائیل کے پاس  اسرائیل نے گزشتہ چھ ہفتوں کے دوران فلسطینی پارلیمان کے تیس اراکین کو ایسی ہی کارروائیوں کے ذریعے حراست میں لیا ہے۔ فلسطینی حکام نے بین الاقوامی برادری سے اپیلیں کی ہے کہ اراکین پارلیمان کی رہائی کے لیے کوشش کرے۔

غزہ میں تازہ اسرائیلی کارروائیاں اس وقت شروع ہوئی تھیں جب کچھ فلسطینی تنظیموں نے اسرائیل کے ایک فوجی گیلاد شالت کو اپنے قبضے میں لے لیا تھا۔ اسرائیل کا کہنا ہے کہ اس میں حماس ملوث ہے۔

اسرائیلی فوجی کو قبضے میں لینے والے فلسطینی تنظیموں نے کہا ہے کہ وہ اس فوجی کو اسی وقت چھوڑیں گی جب اسرائیل اپنی جیلوں میں قید فلسطینیوں کو رہا کردے گا۔

سنیچر کو ریڈ کراس نے حماس سے کہا تھا کہ انہیں شالت سے ملنے کی اجازت دی جائے تاہم حماس نے یہ کہہ کر یہ درخواست رد کردی کہ دس ہزار فلسطینی خاندانوں کو اسرائیلی حراست میں موجود اپنے رشتہ داروں سے ملنے نہیں دیا جاتا، ایسی صورت میں گیلاد شالت سے ملنے کی اجازت دینا ناممکن ہے۔