’ لبنانی گروپ حزب اللہ کو غیر مسلح کیا جائے ‘

وزیرِخارجہ مسز زپی لِیونی کا کہنا تھا کہ ابھی اس قسم کے اقدامات کا وقت نہیں آیا۔

لبنان: نو فوجی ہلاک، انخلاء میں تیزی

انہوں نے یہ بات اقوامِ متحدہ کے ایک وفد سے ملاقات کے بعد کہی جو علاقے میں حالیہ کشیدگی اور جنگ جیسی صورتحال کے خاتمے کے لیئے سرگرمِ عمل ہے۔ وفد کا کہنا ہے کہ انہوں نے اسرائیلی وزیرِ خارجہ کو اس بحران کے سفارتی حل کے لیئے ٹھوس تجاویز پیش کی ہیں۔

تاہم اسرائیلی وزیرِ خارجہ کا کہنا تھا کہ یہ بحران صرف اسی صورت میں حل ہوسکتا ہے اگر لبنانی گروپ حزب اللہ کو غیر مسلح کیا جائے اور لبنانی افواج ملک کے جنوبی علاقے کا کنٹرول سنبھالیں۔

اسرائیلی وزیر کا کہنا تھا کہ اس بحران کے حل کی خاطر اسرائیلی فوجیوں کی غیر مشروط رہائی اور ایران اور شام پر یہ پابندی بھی ضروری ہے کہ وہ دوبارہ حزب اللہ کو ہتھیار فراہم نہ کریں۔

اقوامِ متحدہ جنوبی لبنان میں بین الاقوامی امن فوج کی تعیناتی کی خواہاں ہے اور اسرائیلی وزیرِ خارجہ کے بیان کے فوری بعد اقوامِ متحدہ کے سیکرٹری جنرل کوفی عنان نے ایک مرتبہ بھر جلد از جلد امن فوج کی تعیناتی پر زور دیا ہے۔